發牢騷,今日更新有感(個人睇法,不喜勿插)

rickytts · 發表於 2023-1-17 23:01:50

遊戲指定論壇‧免費廣告

睇完今日個更新,發表下個人感受

rickytts · 發表於 2023-1-17 23:02:41

家父大人係夢之多年生活玩家，由我小六玩到依加做野仲玩緊，每日就係打即戰釣魚賺錢衝卡，同埋廚師整野食，正式微課生活玩家，除左身上套65劍弩係HKD買其他都係打番黎。
依加魚餌同魚線由500 1000(我記得係,我冇釣過魚)變成10000 30000，貴左20倍以上，我老豆話收支已經唔平衡，基本唔會再點釣魚。
釣魚成本貴左，廚師要用魚做嘅食物自然會變貴，而呢個成本提升唔會帶黎任何收益提升，整野食嘅人仲點會多？
如果你話呢Ｄ改動係防外掛，我覺得你外掛未防完，已經逼死晒Ｄ生活玩家。
遊戲唔係得一種玩法，為左防外掛而去封死其他玩家嘅路，我覺得本末倒置左。
當你一個遊戲，玩家唔可以利用生活技能係遊戲入面玩落去，肝都唔比人肝，只可以靠課金黎過活，咁樣真係冇乜癮。
如果你會話本身隻GAME就冇乜人係生活玩家，可以放棄佢地黎保障公司利益，咁我冇咩野好講。

我個人都玩過幾隻mmorpg，唔計商城升價，郁NPC物價真係少有，咁樣會直接影響玩家日常遊玩體驗，同埋呢個係唔好嘅先兆，今次有外掛郁魚餌魚線，下次會因為咩原因而郁D咩？冇人知。

夢之歷險由我讀小學玩到依加教書，斷斷續續都成十幾年，呢隻game為我同我老豆製造左好多話題同交流。
但最近遊戲改變都一次次斬腳趾避沙蟲，斬得幾多次？

少少個人感受同愚見，最後預祝大家新年快樂，身體健康。

(打到最後先睇到小雲係釣魚外掛post回覆，又唔想del晒篇野，唯有道歉，真係唔好意思，晒左你時間睇堆廢話)