|
|
本帖最後由 rickytts 於 2023-1-18 23:09 編輯
我發覺你真係好鐘意將自己放係受害者呢個位。
冷血D講句，捉外掛同服務玩家係代理商嘅責任黎，難聽D講係你地收左錢架，依加玩家小你地係你地收左錢做唔到野，仲要負作用。
唔好成日講到係D玩家留難你咁，隻ＧＡＭＥ咩樣你自己心知肚明，問題解決唔到怪番玩家轉頭？
咩叫「雖然防外掛上兩星期已經做左野, 但係無可能完全阻止,
開發又話係中文版玩家唔自律先會咁, 唔會幫港版做大改動.
咁你想點, 你想自己一星期賺少幾百萬, 定係想比人地一星期賺幾十億」
出菜出舊垃圾出黎人地唔接受，你話番人點解要求高唔體諒你？
「玩小遊戲, 一樣可以自用, 對普通玩家, 得閒玩下小遊戲拎滿月, 會有乜野影響.」
咩叫會有乜影響，你地連拍賣都要用防爆交易，玩家唔搵方法賺防爆要點樣參與遊戲？全部去收？
「但明明會去釣魚既普通玩家少之又少, 通常釣30~40分鐘就收工.
普通玩家釣30分鐘收工, 去換人地開幾隻角色釣足7日24小時…」原話
咁樣姐係果D玩家可以完全唔洗理會？就算真係３０分鐘收工，多左２０倍成本，一啲補償都冇，傻嘅都識計呢條數啦。
到時因為冇晒人釣魚，所有釣魚產物同附屬品瘋狂升價，升到一個高度連２０倍成本都有得賺，啲外掛咪又番晒黎。
退一萬步講，你地做得出呢個決定，你就預左會比人小到爆，你地冇心理準備架咩？
次次都搞到好似玩家不斷留難你地咁，但個問題係你地本身係有負責去完善隻ＧＡＭＥ，玩家點解要幫你地嘅無力解決去埋單？
遊戲代理商本身就要解決問題，解決唔到／玩家唔滿意自然會鬧代理商。
小雲呢個位本身就係同雙方溝通嘅橋樑，呢D位明顯就係硬食兩邊壓力，你做之前冇心理準備咩？
有啲問題解決唔到無能為力我冇咩好講，但次次都搞到自己先係受害者咁，要走親民GＭ人設又接受唔到玩家意見，有啲同情你要夾硬做落去。
唔好賴話D玩家講野唔岩聽咩咩咩咁，如果唔係隻GＡＭＥ有問題，邊有人咁得閒追住你鬧。 |
|
樓主: 官方小雲
發表於 2023-1-18 13:22:24
