小雲，關於 Act 6.2 / 7 卡王問題嘅解決方案

心願與你

遊戲指定論壇‧免費廣告

既然 Act 7 團如何卡王嘅秘技都公開埋，咁我好相信爆料人都已經刷夠／冇興趣再刷，又順便等未刷夠嘅人又冇得再刷啫。
https://bbs.yeeapps.com/forum.ph ... 9844&extra=page%3D1
或者咁啦，如果隻王冇攻擊，而且並非處於無法攻擊狀態超過一段時間（例如 15 秒），隻王就中一個「所有攻擊的損傷減少100%」嘅 buff，而呢個 buff 喺佢一進行攻擊就會消失，直至佢又冇攻擊超過 15 秒又繼續有返呢個 buff。
因為所謂卡王都係 set 好隻王嘅位，令佢攻擊唔到，而玩家可以攻擊佢。如果王有呢個 buff 咁卡嚟根本冇用，除非 15 秒內打得死。如果本身 15 秒內打得死咁根本唔使卡啦。
然後要解呢個 buff 呢，就要令隻王打人先。而呢個 buff 一解咗，會中另一個「可以看到隱身的對方」嘅 buff，避免卡好王，搵個隻王唔打嘅人行埋去，畀佢打一下，再隱身，去每 15 秒卡一次。

set 15 秒嘅原因，係排除一啲正常玩法，例如只係拉緊佢，又或者佢出緊技。
要非處於無法攻擊狀態，係針對個別一啲王，例如冰島暗王，本身個玩法就係要盡量令佢無法攻擊。

咁令隻王唔打人嗰陣無敵，總好過令佢閃嚟閃去，引伸各種正常情況玩都會遇到嘅奇怪問題。
當然唔排除有啲「精英怪物」或者王本身就係唔識攻擊嘅特例，咁可能要特別去處理之類。

咁我相信會殺埋活動團卡王嘅。
首先我覺得，卡王刷活動團，得到最好嘅獎勵係乜？
刷到 3S 技嘅同伴卡？大量寵物飼料？大量黃金？
卡王刷 Act 6.2 / 7 呢啲 end game 團，得到最好嘅獎勵，分分鐘係最強神話裝備噃，同一個層次咩？
咁相比之下，咁刷活動團相對地「無傷大雅」。
我覺得可以將上面個 buff 改做「所有防禦力提升10000」+「所有屬性之力的抗性提升1000」，咁保證根本冇人打得入（除咗 GM）。
而活動團係扣 % 血嘅，就唔會受影響。

當然啦，總有人好正義嘅。
咁我當然係想卡王刷活動團，而唔想人哋卡王刷 Act 6.2 / 7 呢啲 end game 團先咁提議嘅。
咁要係講公平講正義，要乜鬼團都唔畀卡王刷嘅，就直接「所有攻擊的損傷減少100%」我冇乜意見。

P.S. 純粹初步諗，或者有漏洞。

pikachau

友站連結：Klook旅遊格價網站

問過海ser 單車哥同佢一眾族人未, 人地卡王刷6.2刷左兩年都黎，個個六日風雨不改甘刷，都唔知出左幾多年件勁神話aw裝，要封番卡王係咪要回收番呢d不正常途徑拎番黎既裝先。

gray

Trip.com 熱門酒店/機票優惠

pikachau 發表於 2020-4-23 01:20
問過海ser 單車哥同佢一眾族人未, 人地卡王刷6.2刷左兩年都黎，個個六日風雨不改甘刷，都唔知出左幾多年件 ...

問過台ser 野獸哥同佢嘅好朋友7西哥同中大仔未,個個星期風雨不改玩夢睇人刷團無限FF,又刷到幾多AW裝

心願與你

KKday.com 場地訂票優惠

個方案執咗少少。
卡王嘅玩法係：隻王同玩家都企定定喺特定位置，隻王係打唔到人，而玩家又可以持續對隻王作出傷害。
「瞬移」應該係針對企喺特定位置嘅情況，但顯然引伸出更多其他問題。
不如目標改做針對「隻王打唔到人，而人哋又打到佢」呢一個點去做。

數字人

其實都打左咁耐 ？又要搞番卡王？ 卡王本身就係其中一個打法，改埋夢之搵鬼玩

心願與你

卡王係咪一種大部分團都通用嘅打法？何況呢個應該係遊戲設計上嘅漏洞，而唔係遊戲設計上嘅打法、技巧？
遊戲本身設計係咪預咗大部分團都可以卡王打？即係隻王企定定畀人打而唔打人？
的確好多活動團基本上個個玩家都係卡王打，唔卡冇人打。但係 Act 6.2 / 7 團又係個個卡嚟打？
或者既然都公開咗，以後所有團都齊齊開心卡王打，咁都係好事嚟嘅。

數字人

心願與你 發表於 2020-4-23 09:28
個方案執咗少少。
卡王嘅玩法係：隻王同玩家都企定定喺特定位置，隻王係打唔到人，而玩家又可以持續對隻王 ...

夢之咁著重打團，唔打團乜裝都無
卡王本身就係其中一個玩法
俾弱少少的人/無課/唔夠人的ser慢慢打

我覺得如果要改，係要令到卡團的人打得慢啲
一刀切卡王咁可以退夢
留番你地班神裝課金撚日日1村掛機

其實本身開發都係咁設計
好似6/7轉 或者天惡王
隻王出間中會有debuff俾自己加傷

有啲直接打快過卡

數字人

心願與你 發表於 2020-4-23 09:43
卡王係咪一種大部分團都通用嘅打法？何況呢個應該係遊戲設計上嘅漏洞，而唔係遊戲設計上嘅打法、技巧？
遊 ...

活動團卡王又得 6.2/7章卡王又唔得？

數字人

你自己講完唔覺得好笑咩？如果係咁加番閃現味得，大家一齊唔洗玩

Verse

最簡單既做法咪就係好似惡團咁封晒人企d位咪得 攪咁多野...