突發!!!!! 重登有漏洞會有點數

股票王

遊戲指定論壇‧免費廣告

咁多BUG都未改好 就話下年要加點數 野都未做好淨係識加加加 福利就減減減


1. 打打下機會白MON/閃MON
2.升LV個陣出技人物/同伴都BUG左無得再出
3.入天塔/生存之地會行唔到 卡左係入面(記得GM叫我地食女神解BUG 解唔到又呃我地用點品)
4.點數不停加 未減過 仲衰過港鐵 港鐵都有優惠
5.點箱入面出現箱中箱 仲同我講一樣機率(GM話既同以前一樣機率)
6.遠征團愈打愈耐 以前ACT5/6/7 打一個團可能5-10分鐘 依家ACT8團 最少15-20分鐘
7.遠征團箱稀有度中傳以上好低機會 中左開左又係料 不如改番以前ACT5 火地團稀有度(除白字)一定出裝備 中傳都爽D必中裝
8.成日同我講有BUG/外掛比圖比片 圖/片就比晒 野就無改到(正如GM話試左幾十/100次都無BUG 我地抽箱以100次為數據 GM話數據太少 唔識合拎黎做數據 咁GM係咪又打自己臉)
9.成日話有防外掛 防條鐵 外掛仲周街都係

GUIV

友站連結：Klook旅遊格價網站

睇死樓主親完之後繼續玩

aidiu

Trip.com 熱門酒店/機票優惠

睇死樓主親完之後繼續玩

股票王

KKday.com 場地訂票優惠

睇黎各位而家經濟能力都太好, 以前抽箱就算機率低但都係直接抽到, 消費活動都吸引, 而家對比消費活動加埋D廢料如小豆子同魚各種, 箱中箱唔介意, 送廢料都唔介意, 真係夢之忠粉, 請問各位今年加左人工未?本來通漲要加係應該,  但洗左錢好似倒落咸水海咁各位都唔介意,  繼續喇...

官方小雲

股票王 發表於 2022-9-13 22:37
睇黎各位而家經濟能力都太好, 以前抽箱就算機率低但都係直接抽到, 消費活動都吸引, 而家對比消費活動加埋D ...

有咩慘得過, 乜都唔做, 錢就貶值左50%.

2019年7月(M2)全球美元流通量約為14871 十億美元
2022年7月(M2)全球美元流通量約為21709 十億美元
為左維持美國人既生活水平(Or稱之為世界穩定)，美元流通量足足增加左50%
導致美國區內通脹逐漸浮現.

美國繼而增加利率，吸引熱錢流入美國，讓通脹對外輸出
成件事，同你公司有無加你人工無關係…而係本來加比你既人工，因為世界各國印錢而蠶食左。

慶幸既係(暫時黎講)，港元同美元掛鉤，所以貨幣貶值幅度未算明顯…通脹重未係好明顯咁影響到香港…
但係你睇返韓元/美元, 日元/美元…一年之內買其他國家既產品，足足貴左30%…

無名之輩

以小雲上至天文地理,下至金融財經學 既才能同頭腦,屈就係GC真係浪費,快啲跳槽加人工啦

股票王

官方小雲 發表於 2022-9-14 11:08
有咩慘得過, 乜都唔做, 錢就貶值左50%.

2019年7月(M2)全球美元流通量約為14871 十億美元

係呀 有咩慘得過, 乜都唔做, 錢就貶值左80%(原本5萬變1萬)
係呀 有咩慘得過, 乜都唔做, 箱就變左箱中箱

股票王

無名之輩 發表於 2022-9-14 17:51
以小雲上至天文地理,下至金融財經學 既才能同頭腦,屈就係GC真係浪費,快啲跳槽加人工啦

係囉 有人加人工撬你走又唔走 我唔明喎 你唔好話你好愛夢之歷險

limagorb

小雲廢話講咁多 就係想表明全球就得佢一條友係受害者 成粒地球通脹就係為左挽9小雲 所以加9你地價 維持反貶值前既生活水平 明未呀 你班番薯王？  

官方小雲

limagorb 發表於 2022-9-14 22:00
小雲廢話講咁多 就係想表明全球就得佢一條友係受害者 成粒地球通脹就係為左挽9小雲 所以加9你地價 維持反貶 ...

其實我諗你真係唔係好明貨幣貶值係對新一代有利. 對上一代不利.
上一代積落黎既財富, 係比新一代所擁有既資金, 貶值得更多.
如果貨幣唔貶值, 新一代就無可能取代上一代.

即係好似以前返一個月工,得5000蚊, 因為貨幣既貶值,
佢地以前返一個月工積落黎既錢, 到依家連買一部Iphone都唔夠.
但係依家新一代返一個月工, 已經足夠買幾部Iphone.
因此貨幣既貶值, 新一代先會愈容易生存...

相反, 如果貨幣升值, 市民就愈肯洗錢.
但係受惠既唔係新一代人. 因為佢地本身無乜積蓄, 貨幣升值, 對佢地完全無任何得益.

好明顯, 我就係上一代人, 貨幣貶值對我黎講, 絕對唔係好一件事,
以前儲落既錢, 到依根本不值一提.
所以我依家係覺得, 更應該活在當下.

D人成日講, 依家既遊戲, 有錢人玩哂.
我想問, 邊D人定義為有錢人, 咪就係上一代人.
點樣先可以令到上一代人變到唔係有錢人? 咪就係貨幣貶值.
依家你返一個月工, 等如人地以前返三四個月工. 因為貨幣貶值, 你賺左上一代人既三倍時間.
咁既情況下, 新一代人先可能追到上一代人.