青怡攻略：討論版

標題: 大家想唔想下星期開[凶猛]史域多哈因 & 盜賊遠征團 [打印本頁]

作者: 官方小雲 時間: 2024-11-1 17:17
標題: 大家想唔想下星期開[凶猛]史域多哈因 & 盜賊遠征團
本帖最後由官方小雲於 2024-11-4 09:41 編輯

大家想唔想下星期開[凶猛]史域多哈因 & 盜賊遠征團

正如上一次咁講,
如果開大家就會忙左.
如果唔開, 玩家可以比較集中先完成之前開放的凶猛遠征團。

P.S. 盜賊遠征團即係頭目依普拉罕穆遠征團

作者: fuxknos99 時間: 2024-11-1 18:02
"時間多既人就會有優勢" 玩呢d game 總有某類人有優勢有咩好講夠有人d團大力到8-10分鐘甚至再快d 咁唔通又要怪個d人?
再者呢種game原本就用你好多時間你估a789打團 1團就有想要既野? 咪又係要打幾百場以上先有唔明時間多到底係咩POINT
仲話咩集中完成d團既收集不如等所有人有12轉卡百石先開hc團?

作者: 官方小雲 時間: 2024-11-1 18:08

fuxknos99 發表於 2024-11-1 18:02
"時間多既人就會有優勢" 玩呢d game 總有某類人有優勢有咩好講夠有人d團大力到8-10分鐘甚至再快d 咁唔通 ...

好啦, 我收返個句.

作者: fuxknos99 時間: 2024-11-1 18:26
咁我好奇點解唔一次過開晒到底係咩原因
係驚bug 定乜
宜家咁樣等你幾星期出2團總共21團我要等幾耐先有龍王團打唔好唔記得出完仲要打100團 100團仲要計每日有限5次
定你又想話唔想d人咁快就玩完
如果係既話只可以答你冇人冇水吹隻game少人冇氣氛冇時間要退夢唔玩大把原因
你話港s同外國s唔同咁起馬你比個原因說服我地要我地有時間+冇時間既人都一齊等你開放HC團

作者: 兇猛吱雞 時間: 2024-11-1 19:07
小雲你一次開太多其他人都好難跟的喔

作者: 兇猛吱雞 時間: 2024-11-1 19:08
小雲請你明白大家有工作在身無可能咁密日日團到

作者: Tiger1 時間: 2024-11-1 22:26
所以未應該要開哂LO 到時大家仲意打邊個團就打邊個團

作者: fuxknos99 時間: 2024-11-1 23:44
本帖最後由 fuxknos99 於 2024-11-1 23:55 編輯

咁不如你講下你一晚有幾多時間打團 9-12 ? 10-11? 你冇時間打團唔係第1日知既野呢種game 原本就食你大把時間由你a7開始(a7前冇玩唔關我事) 就已經係不停刷團既game 除非你冇刷咁你冇刷影響你d咩
你冇時間刷咁係你問題你可以選擇唔打/搵時間慢慢打
如果真係要等埋d 冇時間打團既人先可以開放咁我想問要等幾耐 1個月開一團?
仲要點解一定要跟? 你唔可以有自己節奏? 你講到咁多人咁忙打唔到你唔識搵埋d同你一樣忙既人約時間打?
講起"跟: 出a9個陣夠一堆人未搞好a8野百石又冇裝又冇咁 a9咪又係照打團咪又係照打你冇時間咪又係冇得打
我上面都講左不如等所有人有a9裝齊飾有埋12轉百石叫做大家真係跟到裝卡啦先開hc團不如?
你冇時間即係冇能力刷團既然冇咁你咪放低標準囉有時間咪打冇咪休息點解要拉埋人落水
明明其他人已經打完舊團等出新hc儲幣你又逼人等埋你不如你講要等到幾時
你不如重新諗下到底係你冇時間定打得唔夠有效率啦呢隻game 時間就100%需要
拎第2隻game做例子 LOL 咁人地開季爬分你冇時間打唔通叫LOL關撚左個積分等埋你先開?

另外你睇下外國S 開晒HC 咪又係咁運作人地唔洗返工咩唔通
一係咁小雲你出晒所有HC團但限每日1團咁做可以比玩家30日/40日左右就可以換到書
總好過宜家大家幾星期出兩個團比你團團刷到100 等龍王出又要重新刷夠20日+
試諗下2星期出2團我當我目標係換1本書(30)就夠 1星期打1種團即係要大約20星期 140日左右先有龍王比我換書?呢種方式就好似你明明刷到件裝但要等game100日先出粒料比你合咁
咁我刷黎做咩

作者: 634 時間: 2024-11-2 12:02

呢種game 原本就食你大把時間由你a7開始(a7前冇玩唔關我事) 就已經係不停刷團既game

呢句有夠直白一隻為刷團而刷團既game
越黎越少人玩完全好合理
刷黎係為左輾轉變賣做真錢咁都還好
否則真係唔知刷黎做乜完全無止境
刷得完亦都冇野玩只有繼續刷刷快左咁解

一次過開晒d團都唔錯等d冇咁多時間但好多錢既金主畀d冇乜錢但好多時間既低課人士彎道超車
等d p2w既人感受一下挫敗既感覺

垃圾game 完全唔健康 act4亦都未有消息
不過呢個係原廠既大方向都冇乜計

作者: 薇薇 時間: 2024-11-2 14:10
開曬佢啦
咁樣要人等到幾時
要打嘅人就會夾架啦
擔心得去邊

作者: fuxknos99 時間: 2024-11-2 15:36
講真呢類型GAME 先唔講你係點玩原本就係for 出新野 D人去玩新野
你理得我/其他人玩得快唔快只要我玩得完就等於我玩左成個過程我時間多但同時我都係用緊我時間去付出打
你玩得慢只係你問題你有你想假享受冇時間
宜家問題就係外國S 出完我地港S又冇合理既原因但又要hold住唔出係到問唔知問黎有乜9用
我重申我要求既係開晒D團最好就照舊每日5場否則至少1場我目的係要換書你出咁撚慢我不如退夢1 2年返黎再玩?

作者: fuxknos99 時間: 2024-11-2 15:43
你問呢D問題不如收集下數據睇下D人宜家打到咩程度
D人成日都話冇時間唔通真係咁撚忙咩你朝8晚12? 咁既話不如多D休息啦放假你又要出街玩
逼D想打機既人陪你慢慢等你想要公平但原本就唔對等
老實講大家返工都搵錢咁不如你課下金強化下? 整件靚裝靚卡 +20咁個團打快少少一團5 6分鐘係人地一倍咁你咪有效率囉
試過聽人講打HC黑團 20分鐘以上 GG直程係死到卜街雖然就未必完全關冇時間既人事但冇心玩既人就唔好勉強追新野有心機玩要擠時間出黎有幾難? 強化埋打得又快快快脆打完咪完事
家陣要人等你都唔知等到幾時
一係小雲公開下平均D人幾多幣好過 (10以上先計)

作者: puppy 時間: 2024-11-3 18:37
死廢青fuxknos99唔洗番工要大家陪你癲?

作者: 垃圾港伏代理 時間: 2024-11-3 19:09

puppy 發表於 2024-11-3 18:37
死廢青fuxknos99唔洗番工要大家陪你癲?

真係唔洗返工咩
支持一個月開一團每日限制3團
每個IP只限3開
慢慢打唔好過度遊玩同消費

等到出ACT10先開放龍團

大家都要百石12轉先爽

作者: fuxknos99 時間: 2024-11-3 23:24
講到一定要唔返工先打得機? 咪on9啦由A7到A9 大家咪又係返住工打你on9?
照GC咁講一樣玩家冇能力就唔好強求你打唔到就咪撚追囉你D時間都所剩無幾仲要花時間打團? 笑撚死
叫GC出晒D團冇人叫你一定要打撚完你要打咪打唔打咪唔打咁都唔明? 定係你冇人陪你打章又冇一粒幣都冇阿

老實講你儲唔到就咪撚打囉有幾難仲要教阿?
個個都返工隻GAME咪一樣有人玩有人刷團個個似你咩 on9

作者: fuxknos99 時間: 2024-11-3 23:26
本帖最後由 fuxknos99 於 2024-11-3 23:50 編輯

我又有比另一種提議比小雲
你又得把口親人大把時間親完一句就冇? 比多幾句講下啦
定係你努力下先算阿
原來玩呢隻GAME 時間多人少少都係死罪建議GC 改每人每日3個鐘遊玩時間廢事有D人生冇咩時間既人係到妒忌人多時間

作者: 外挂狗fuxknos99 時間: 2024-11-4 01:59

fuxknos99 發表於 2024-11-3 23:24
講到一定要唔返工先打得機? 咪on9啦由A7到A9 大家咪又係返住工打你on9?
照GC咁講一樣玩家冇能力就唔好強 ...

你系米外挂狗?

甘勁可以一邊返工一邊打到全部團吾系外挂真系無人信

作者: fuxknos99 時間: 2024-11-4 12:48
本帖最後由 fuxknos99 於 2024-11-4 13:07 編輯

笑撚左原來大家都文盲邊個話要打晒全部團?
人地外國S就打緊啦唔通又開外掛? 建議檢舉外國S啦

作者: fuxknos99 時間: 2024-11-4 18:29
其實反對既人講黎講去都係得冇時間呢個藉口換個角度諗大家都冇反對我講既野

除左Don9係到嘈返完工放工冇得打機咁
隻GAME出新野反而去阻止都幾撚好笑不如GC整個無更新版本比D 垃圾自己J下咪算
其他打機既人努力追隻GAME進度(乜GAME都係) 你就反而拉低人進度自己打唔成就希望人地都冇得打

作者: 官方小雲 時間: 2024-11-9 12:12

fuxknos99 發表於 2024-11-4 18:29
其實反對既人講黎講去都係得冇時間呢個藉口換個角度諗大家都冇反對我講既野除左Don9係到嘈返完工放工 ...

感謝你點醒左我,
雖然你既觀點, 有部份我唔認同.
不過我會再研究下是否適合全面開放.

作者: fuxknos99 時間: 2024-11-9 12:14
咁有咩唔認同你都要講架

作者: 官方小雲 時間: 2024-11-9 12:27
本帖最後由官方小雲於 2024-11-9 12:28 編輯

fuxknos99 發表於 2024-11-9 12:14
咁有咩唔認同你都要講架

一開頭唔想回應你, 係因為你既態度問題.
令人覺得你係搵野黎講.

你要明白, 有好多唔同既玩家比唔同既意見.
我要分清, 真心為隻Game好, 定係真心膠, 並唔容易.

因為一開頭有部份玩家既意見, 令我覺得無需要一次過開哂.
不過我上星期有再研究一下, 確實係會出現某些問題.
星期一, 我會再同其他人討論下, 亦都要睇下開發可唔可以配合到,
如果有消息, 我會盡快公佈.

作者: fuxknos99 時間: 2024-11-9 12:37
搵野黎講? D人講一句冇時間就唔係搵野黎講
反駁埋比埋其他做法比你叫搵野黎講態度問題我唔反駁見仁見智
我就唔明冇時間可以有咩解決方法 D人打唔到就係打唔到你比十世時間佢都係跟唔上
你既做法我套用其他GAME既例子比你比埋意見你叫搵野黎講
其實小雲引戰能力都幾強
叫你比個理由睇下點解唔開又唔講
所以簡單黎講以後直接一句親母親大人就搞得掂無須更多解釋講完個point可以唔洗後續補充
咁我宜家就講句開晒所有團完

作者: 官方小雲 時間: 2024-11-9 13:11
本帖最後由官方小雲於 2024-11-9 13:43 編輯

fuxknos99 發表於 2024-11-9 12:37
搵野黎講? D人講一句冇時間就唔係搵野黎講
反駁埋比埋其他做法比你叫搵野黎講態度問題我唔反駁見仁見 ...

你講黎講去, 都係你有時間, 人地無時間, 點解要就人地.
你都係無其他原因.
咁事實就係, 反映唔建議開哂既人, 就係講開哂都無時間打, 咁點解唔一個個慢慢開.

而我玩過既遊戲, 其中一個失敗既共通點,
就係遊戲後期太多野要玩家做, 多野做到令人唔想玩.
而唔係好似遊戲一開頭咁, 一步一步引導玩家逐樣玩.
所以我認同某些玩家既意見, 一個個慢慢開.

至於要點樣令到兩批玩家都滿意, 就係關鍵.
你比既意見係, 每個團限制每日1次.
咁樣既話, 會令到好多人都好難組到團,
有陣時有D人想早D打左, 了結左件心事, 有D人就要等放工先有時間打.
如果你建議無限制任打, 開發又一定唔會同意, 所以每日限5次, 根本上唔會去改.

我諗到既其他方案係, 將金幣改成可以交易.
咁打到既人就可以賣比無時間打既人,
但咁樣改肯定唔會通過, 因為咁樣做就會有人多開刷團, 結果又會變成工作室.
所以唔可能無償交易, 因為要防止D人多開刷團, 又或者刷完一枇AC又一枇AC.
咁樣好快成個更新就會變得無價值.

所以我就要諗, 點樣可以令到物品可以交易,
又增加到工作室既成本, 而又係一般玩家可以接受...
你明唔明個困難度？
首先要將D金幣改成可以生產箱子,
又要諗太多箱既話, 會增加大量道具, 會大量增加開發工作量, 容易出錯又會比佢地Ban.
如果定價太高, 玩家又會嘈不如唔好出,
太過平既話, 又係會令到工作室係咁開分身刷.

我唔係想引戰, 而係我講太多, 玩家都未必會明, 亦都會覺得攪咁多做乜野, 直接改成可以交易咪得.

除上改可以交易既方案之外, 我重係腦入面空轉左好多其他方案,
就例如,
1. 玩家可以無限打, 但係打完5次之後, 就唔會再收到金幣獎勵, 但係可以幫其他人打, 但又可能會變左工作室既工具人. 而且又唔知開發做唔做到.
2. BP隨機獎勵金幣, 咁就算唔打, 每日登入拎箱都可以抽箱抽到. 但又要開發配合.
Etc...
不過暫時, 我會選擇說服整可以交易既箱先, 我亦都唔知會唔會比人Ban, 如果唔得, 我就要再諗有無其他方案.

我唔係好似你咁, 講兩句交比開發就可以拍拍羅友.
我如果交左個唔好既計劃, 係會比人媽叉我, 又會問我有咩效益, 問我有無諗清楚, 會問我一大堆問題, 我要諗定每一句要點樣去回答架.

到最後, 肯定會有人覺得多膠魚…你估我唔知？
就算開發整左交易箱, 隨往時間既推演, 到最後亦都會變到無意義, 因為時間可以消磨一切.
但問題係, 如果唔咁做, 係依家D一刻, 我又唔敢一次過開哂所有遠征團.

作者: Tiger1 時間: 2024-11-9 13:27

官方小雲發表於 2024-11-9 13:11
你講黎講去, 都係你有時間, 人地無時間, 點解要就人地.
你都係無其他原因.
咁事實就係, 反映唔建議開哂既 ...

好似古龍魔力寶石箱和高度集中能源箱放係每40次果到搞個act1-8凶猛金幣箱隨機抽act1-3 act5 act6 act7 act8各2粒解決哂無時間直接pay towin

作者: 官方小雲 時間: 2024-11-11 13:12

fuxknos99 發表於 2024-11-9 12:37
搵野黎講? D人講一句冇時間就唔係搵野黎講
反駁埋比埋其他做法比你叫搵野黎講態度問題我唔反駁見仁見 ...

初步開發認同左我既方案, 但仍有待更新和測試.
目前估計最快會在11月19日實裝, 並開放所有凶猛遠征團.
詳細內容等確認更新沒有問題後會再於官網公佈.

作者: 薇薇 時間: 2024-11-11 13:25

官方小雲發表於 2024-11-11 13:12
初步開發認同左我既方案, 但仍有待更新和測試.
目前估計最快會在11月19日實裝, 並開放所有凶猛遠征團.
詳 ...

啫係點幣可以交易?

作者: fuxknos99 時間: 2024-11-11 14:36
小雲至少我宜家終於睇得出你有睇同埋有D point係回應到我
我唔否認大家有沖突點但首先你話我搵野黎講本身就係問題我夠可以話冇時間既人搵野黎講我先反駁佢
以其他GAME為例 LOL 我有時間/我願意花時間落個隻GAME(而唔係同人出去食飯玩之類) 我都係自願付出去利用時間去領先人地 LOL就爬分啦以elden ring呢種都可以當係可以"完全"體驗遊戲而唔係分批遊玩
然後你話我冇其他原因錯我有我既目標係拎書同解族成就(非主要) 就如每日一團為例都只係我為左可以拎書所提出意見你話唔得 OK 同我講有合理原因我咪接受只係你之前冇回答
而你所講玩過既遊戲點咁我會話係因人而異以GAME為例 warframe 一出新野即刻有人狗沖9秒9解晒玩完有錯? 咁又冇你話要慢慢玩可以咁你咪慢慢玩冇人逼你個因素只會係變左隻GAME冇人個流動性低
你話要令兩批玩家滿意由你角度諗冇錯但我角度就唔係因為其一唔關我事其二影響到我
你話D人好難組團我唔否認但你睇宜家呢一刻有幾多人真係組到團我會話宜家組唔到未來機會更低 (當然出晒又另計畢竟計畫已經確定左而唔係打打下又要估會唔會出)
同埋我冇建議無限制打(可能其他人講)
交易問題咁我都係反對既(即使我身為打到既一方) 因為一交易到變相玩家又唔洗去打自然動力低左 GAME自然就冇活人長玩我明加埋工作室呢點我都冇提及所以唔討論 btw我當然反對比工作室獲利
引戰可能係我講得唔好(不過原因係因為你講我搵野講在先我可以道歉) 同埋"講兩句交比開發就可以拍拍羅友"
首先我唔至兩句我有提出我目的原因方法同上面講左一樣只係你冇及時回應而且我又唔係親你我親個班又冇時間又要梆架人唔比人玩既人
最後感謝你終於終於回應我我希望下次好又好唔好又好可以講出黎可能你又覺得講完冇人聽咁兩睇姐宜家我有聽
同埋解釋返"反映唔建議開哂既人, 就係講開哂都無時間打, 咁點解唔一個個慢慢開."
咁我可以話建議開晒既人就係講反正開晒又係慢慢打宜家又係慢慢打咁點解唔開晒
只可以話冇時間係死症你唔會要求一個冇時間既人去chur 咁出晒同慢慢出你一樣都係慢慢玩你可以搵同樣冇時間/相同得閒時段既人玩
並唔係反對遊戲更新既主因 btw 冇時間既人有必要為左僅僅100攻防而咁趕住打咩? (如果為左本幣/箱書你都冇時間刷團啦咁冇咩效益)衰D講句打個8人團刷下裝仲好啦 8個人又唔難湊 (非惡意純好奇)

作者: 官方小雲 時間: 2024-11-11 16:45
本帖最後由官方小雲於 2024-11-11 16:48 編輯

fuxknos99 發表於 2024-11-11 14:36
小雲至少我宜家終於睇得出你有睇同埋有D point係回應到我
我唔否認大家有沖突點但首先你話我搵野黎講 ...

一開始無回應, 主要係因為當時我唔會比到你想要既答案.
同埋就係, 有無時間玩真係好睇個人, 所以對我黎講, 唔係一個trigger point, 唔足以改變當初既決定.
而我亦都無意去拖慢玩家進度, 只係唔想攪到玩家太忙, 太多團要打.

但係都多謝你引起左我去思考.
咁當然, 成唔成事都係要睇開發.

其實我都掙扎左一段時間, 諗到底應唔應該依家講個初步決定出黎.
因為上星期回覆你既時間, 開發係未表態, 而結果先係最重要...我都唔想比假希望大家...

作者: Tiger1 時間: 2024-11-11 16:58
咁係咪會整act-1-3／5／6／7／8金幣箱

作者: 官方小雲 時間: 2024-11-18 19:36
Act 1-3/ 5/ 6/ 7/ 8 金幣+99天毛, 可以合箱子(用於交易).

歡迎光臨青怡攻略：討論版 (https://bbs.yeeapps.com/)