青怡攻略：討論版

標題: 希望優化網頁鎖 [打印本頁]

---

作者: tintinsiu    時間: 2024-8-19 15:13
標題: 希望優化網頁鎖
前言:
最近又有朋友比人爆左帳號, 所以最近都用左網頁鎖加強保安. 但是用了2個月都係覺得過程十分煩瑣(流程需要多個動作), 特別係舊式驗證碼對人類十分不友好.

現在流程:
- 載入用戶名/密碼 (已記錄在瀏覽器)
- 輸入驗證碼 (睇唔清昕時需要按圖刷新)
- 登入
- 選擇遊戲菜單
- 選擇夢之歷險
- 選擇網頁鎖
- 選擇帳號名稱 (多帳號需重複)
- 選擇動作
- 按狀態轉換

希望GC可以優化網頁鎖流程:

Plan A:
- 載入用戶名/密碼 (已記錄在瀏覽器)
- 輸入驗證碼
- 登入
- 選擇遊戲菜單
- 選擇夢之歷險
- 選擇網頁鎖
- 按新的"啟用所有運作中的帳號" 按扭

Plan B:
- 載入用戶名/密碼 (已記錄在瀏覽器)
- 輸入驗證碼
- 登入
- 選擇遊戲菜單
- 選擇夢之歷險
- 按新的"啟用所有運作中的帳號" 圖示

Plan C:
- 載入用戶名/密碼 (已記錄在瀏覽器)
- 輸入驗證碼
- 按新的"啟用夢之歷險所有運作中的帳號" 按扭 (不會登入)

其他優化:
- 驗證碼captcha 改為較新式例如 goolge recaptcha v3 / 淘寶向右拉個圖
- 以google / FB / apple / Wechat 小程序 帳號登入 (綁定帳號)
- 採用 Passkey 等新式, 手機 指紋/FaceID 識別技術

優化流程可以吸引更多人使用, 減少大課長的帳號風險(收入來源), 減輕後台因帳號被盜而成的工作量.
希望老闆同小雲慎重考慮, 祝財源廣進

---

作者: 634    時間: 2024-8-19 15:29


d IT野都只係燒錢而唔會直接賺到錢 通常老板唔會buy 反問你冇事冇幹搞咁多做乜
優化流程可以吸引更多人使用 <- 冇kpi好難衡量同評估成效
減少大課長的帳號風險(收入來源) <- 課長被盜號與否 同公司收益增減冇必然既因果關係 反之增加工作內容(尤其是要買第三方服務)就必然增加支出 例如google recaptcha老板淨係一句"年費係咪你份糧度扣"都已經唔知點答
減輕後台因帳號被盜而成的工作量 <- 老板真係理得你死 市道咁差 唔鍾意咪去做foodpanda

我諗你襯有乜事件發生(或者你自製事件) 果陣再提出黎會好d

---

作者: 官方小雲    時間: 2024-8-19 17:02


> 以google / FB / apple / Wechat 小程序 帳號登入
API係人地到, 無可避免會有風險.
例如當對方公司突然改API運作方式, 就會嚴重整影遊戲登入, 大家睇手機GAME都唔難睇到有時一停就停成個星期入唔到GAME.
我地無必要分享數據比上述既公司, 亦都無意咁做.

>啟用夢之歷險所有運作中的帳號
你所有Plan既共通點就係想「一鍵啟用所有運作中的帳號」
其實同消費活動一樣, 個功能唔可以一次過SEND所有封包去SERVER到, 一定要一次一句咁SEND.
D一點係改寫唔到, 唔到我地控制.

---

作者: 634    時間: 2024-8-19 17:33

API係人地到, 無可避免會有風險.
例如當對方公司突然改API運作方式, 就會嚴重整影遊戲登入, 大家睇手機GAME都唔難睇到有時一停就停成個星期入唔到GAME.

一般可以同時用多種方法 例如以XX登入做主+傳統登入做後備
不過第三方帳號被盜亦會引致遊戲帳號被盜
同埋市面上第三方登入大多只係用黎方便建立帳號吸引新客 用途同作為網安既網頁鎖冇乜關聯

你所有Plan既共通點就係想「一鍵啟用所有運作中的帳號」
其實同消費活動一樣, 個功能唔可以一次過SEND所有封包去SERVER到, 一定要一次一句咁SEND.
D一點係改寫唔到, 唔到我地控制.

唔係既 淨係用browser d plug-in 寫 d userscript
一鍵批量send一堆post request (ajax)咪搞掂 根本唔使改後台function
不過呢d都係要碼農去做 做完又唔會加花紅 換轉係我就會直接答你"技術上做唔到/系統設計上唔支援"

---

作者: 634    時間: 2024-8-19 18:26


我望一望 其實都只係call
POST https://www.gamecyber.com.hk/gcC ... gameID=5&opt=25
body塞個

1. login=YOUR_USER_NAME&useraction=disable

複製代碼

列一列你堆username 寫句forEach fetch就搞掂
一鍵全鎖一鍵全解 十零廿行code乜都搞掂晒

---

作者: 官方小雲    時間: 2024-8-20 10:36

634 發表於 2024-8-19 18:26
我望一望 其實都只係call
POST https://www.gamecyber.com.hk/gcClass/gcGameResult.php?gameID=5&opt=25
b ...

佢地限制一定要逐個逐個解.
(雖然我明你講咩, 但...下刪一萬個理由)

----------------------------------
至於其他平台登入, 如果要整就一早整左.
我諗應該係無必要. 同埋如果API有咩改動, 又要麻煩D技術人員去花時間研究要點改.

多數手機GAME為左方便玩家唔洗AC用Guest登入玩遊戲,
所以好多人都懶得再填資料綁定帳號, 好容易有問題攪到無左帳號, 所以先有需要整個第三方登入.

---

作者: 634    時間: 2024-8-20 10:48

官方小雲 發表於 2024-8-20 10:36
佢地限制一定要逐個逐個解.
(雖然我明你講咩, 但...下刪一萬個理由)

明既 咁唯有等樓主研究下用自己既方法去實現夢想

---

作者: 634    時間: 2024-8-20 10:59
其實驗證碼方面 如果樓主真心覺得咁麻煩
坊間有d OCR既產品服務
N年前曾經試玩過一下係有少少驚豔
不過一來收費 二來不當使用會否有乜風險後果就要自行承擔

---

作者: tintinsiu    時間: 2024-8-20 16:51
其實現況煩瑣既網頁鎖, 如果冇優化情況下我係接受到, 因為得主帳號要特別保護, 諗緊如果優化埋, 人仔都可以用埋.

大部分"優化"既技術問題都唔係好大, 例如google/apple帳號綁定已經比大多數網站採用, 證明是可行; 每次解一個帳, 我唔介意5秒先自動解一個; recaptcha v3 咁多年都冇改過;

反而成本方面考慮, 就真係冇, 就係冇;

但係單純咁睇, GC login 個舊式 captcha 作用唔太足夠, 希望改進/或者有其他機制去防守.

---

作者: 634    時間: 2024-8-20 17:05

tintinsiu 發表於 2024-8-20 16:51
其實現況煩瑣既網頁鎖, 如果冇優化情況下我係接受到, 因為得主帳號要特別保護, 諗緊如果優化埋, 人仔都可以 ...

感覺你未太get到官方小雲講d乜

(雖然我明你講咩, 但...下刪一萬個理由)

真係一言勝萬語

---

作者: 634    時間: 2024-8-20 17:24

GC login 個舊式 captcha 作用唔太足夠, 希望改進/或者有其他機制去防守.

你知驗證碼係用黎做乜既嘛?
你手上有冇乜project係用過google recaptcha?

話說我曾經試過隨便寫幾句script 甚至錄一段macro都已經bypass咗佢...
我諗佢主要係用黎防爬蟲多d...
anyway我冇太深究落去

---

作者: tintinsiu    時間: 2024-8-20 18:56
我唔知, 但係岩岩刷新左5次captcha張圖先刷得清晰, 反人類

---

作者: 634    時間: 2024-8-20 19:22

tintinsiu 發表於 2024-8-20 18:56
我唔知, 但係岩岩刷新左5次captcha張圖先刷得清晰, 反人類

驗證機制不嬲都反人類架啦
唔反人類點防OCR
我諗你應該冇試過個爛鬼google recaptcha答左十幾次d巴士樓梯斑馬線交通燈 佢都可以繼續問你
真係畀返個反人類既驗證碼我填好過

你最開頭講果個向右拉 使用體驗真係會好d既
但GC要係唔整你都冇計 一鍵全解全鎖都有一萬個理由 叫佢轉第二個plugin應該真係好困難
入個驗證碼都幾秒姐 你寫個script一鍵全解全鎖 每次慳你一分鐘不停揀acc submit都已經好好多啦
除非你要全部bot晒佢 成堆帳號全自動化解鎖登入農野登出上鎖 既姐

---

作者: tintinsiu    時間: 2024-8-21 11:14
你講果個紅綠燈係 google recaptcha V2
較新 2018年發佈既 reCAPTCHA V3 對用戶黎講係無感的, 原文: "reCAPTCHA v3 不會顯示人機驗證 (Captcha) 提問，而是改為傳回分數，方便您為網站採取最恰當的動作。"
https://developers.google.com/se ... new-way-to?hl=zh-tw

GC 自製既captcha, 我意思係對人類黎講阻礙, 以現在科技, 對BOT 黎講 OCR 既成功率99%+;
所以反而兒家驚小雲會高估左個保安水平

---

作者: 634    時間: 2024-8-21 11:24
你都識講v3係18年既產物 25年都就到 即係落完v3好快就v4
年費又唔係你畀 code又唔係你寫 未來維護又唔係你做
講野自然好口響

何況v3先係危險 完全不及v2
試問佢return個0.2分畀你 你覺得係乜? 好危險?
咁return個0.9畀你又係乜? 好安全? 咁中左果0.1既risk係咪你本人為事件負責?  

---

作者: 634    時間: 2024-8-21 11:31


d user成日都有一個通病
就係覺得既然可以做 點解唔做?
係囉 事情就係你講既咁好咁簡單 不如你自己親手做啦 唔好叫人做

以上純吹水

要係GC同你轉google recaptcha我當然支持
正如我都有提出過用google authenticator做兩步認證 點都好用兼安全過個濕鳩次世代網頁鎖
不過GC要係有一萬個理由 而我本人又唔係GC既開發人員 我都冇辦法

anyway

你花少少時間寫下script實現你個plan c算罷啦

Plan C:
- 載入用戶名/密碼 (已記錄在瀏覽器)
- 輸入驗證碼
- 按新的"啟用夢之歷險所有運作中的帳號" 按扭 (不會登入)

有乜爽得過用自己對手實現自己既夢想
何苦要執着於要R個驗證碼?

---

作者: 634    時間: 2024-8-21 12:05
題外話 OCR唔會超越到人類
要係個captcha反人類到連人類都填唔岩 咁點可能OCR會有99%+既命中?
邏輯唔係幾通
定有乜研究數據支持? 我都好好奇你既論點

---

作者: tintinsiu    時間: 2024-8-21 15:16
google recaptcha V2/V3 唔洗比錢的

高階既 recaptcha V2 都其實都唔安全, 更何況自製圖像文字;
因為AI 兒家真係好勁, 舊式AI 例如識別火焰/煙霧/生物......已經好成熟; 最新既生成式AI 技術遠超解決舊式 captcha 既能力
https://yanwei-liu.medium.com/best-captcha-service-10b76cf2ca5f
https://www.techbang.com/posts/1 ... are-faster-and-more
https://www.google.com/search?q=captcha+破解率

因為兒家D 帳號值錢, 加埋G錢同防錢,裝備,咁多帳號值過10萬HKD都唔出奇, 所以先會成為黑客目標, 因而需要更強既保安, 而舊式captcha 未滿足到.

玩家/GM/老闆 其實都係坐o係同一條船, 我都希望條船穩固D

---

作者: 634    時間: 2024-8-21 15:31

tintinsiu 發表於 2024-8-21 15:16
google recaptcha V2/V3 唔洗比錢的

高階既 recaptcha V2 都其實都唔安全, 更何況自製圖像文字;

咪玩啦
我隨便三個keyword google第一筆record齋個preview都已經打你臉喇喎

定我英文太差?

中文我冇理解錯喇掛?


咁夠薑用免費plan
我寫句endless loop 去個廁所放低杯水就炸爆你啦

---

作者: tintinsiu    時間: 2024-8-21 15:37
你冇理解錯, 你岩

---

作者: 634    時間: 2024-8-21 15:41
why咁執着個recaptcha? 向右滑動唔好d咩?
定因為recaptcha macro friendly既關係?
我睇你又唔係真係咁似google既sales丫

---

作者: 634    時間: 2024-8-21 16:03

tintinsiu 發表於 2024-8-21 15:16
google recaptcha V2/V3 唔洗比錢的

高階既 recaptcha V2 都其實都唔安全, 更何況自製圖像文字;

我略略望一望你三條link
第一條link似係業配+市場產品簡評多d?
第二條link冇reference冇source 我評價為大眾農場文 睇下就好 唔好太認真
第三條link... um... sor, 冇開唔知亦冇乜興趣知有乜results...

-----

sor, 第一篇有介紹埋人工智能破解服務添 咁我冇野講啦

---

作者: 官方小雲    時間: 2024-8-21 16:57

634 發表於 2024-8-21 11:31
d user成日都有一個通病
就係覺得既然可以做 點解唔做?
係囉 事情就係你講既咁好咁簡單 不如你自己親手做啦 ...

其實...幾年前我提出過Google authenticator.
不過其實好多香港人都未必聽過/用過...係玩開Crypto既人可能先知.

但又咁睇, 網頁鎖都唔多人用, 更何況Google authenticator...
對玩家而言, 點都複雜過Recaptcha...
簡單化/複雜化, 各有好處啦...

同埋就算開左功能, 其實都會有問題.
例如手機刪左Google authenticator, 又或者換手機, 又或者某D原因拎唔到Code.
我地又無辦法可以幫到玩家, 係會有問題.

---

作者: 634    時間: 2024-8-21 17:06

官方小雲 發表於 2024-8-21 16:57
其實...幾年前我提出過Google authenticator.
不過其實好多香港人都未必聽過/用過...係玩開Crypto既人可 ...

咁要係你地公司潮d 又唔會係你地公司既錯丫
不過每間公司都有自己既風格既 有d係保守d

網頁鎖唔多人用......
個設計咁很好用 多人用我先覺得神奇
google authenticator話唔定個個一試讚好呢
呢d野唔做冇人知真實效果 都係估估下

---

作者: tintinsiu    時間: 2024-8-21 17:10
Google Authenticator 其實都唔錯, 我更加推薦用 PassKey
接近兒家D 人用 FaceID/指紋登入既習慣
我是覺得用 PassKey 黎吸引人用網頁鎖

---

作者: 634    時間: 2024-8-21 17:13
前排我先換完手機 換手機果方面應該係冇乜問題 記得個設計係跟google帳號
反而係google down機既話點搞既姐
遺失手機果d 同SMS驗證一樣姐 呢d風險要用家自行理解同負責 唔係強制要雙重驗證就得

就我自己黎講 facebook mozilla nord 同埋我自己公司內聯網系統都用緊 應該還好啦

---

作者: 官方小雲    時間: 2024-8-21 17:13

tintinsiu 發表於 2024-8-21 17:10
Google Authenticator 其實都唔錯, 我更加推薦用 PassKey
接近兒家D 人用 FaceID/指紋登入既習慣
我是覺得 ...

用PassKey其實咪又係要經Google...

---

作者: 官方小雲    時間: 2024-8-21 17:34

634 發表於 2024-8-21 17:13
前排我先換完手機 換手機果方面應該係冇乜問題 記得個設計係跟google帳號
反而係google down機既話點搞既姐 ...

你用開就緊係無問題啦. 我用開都無問題,
問題係好多人唔會識用/唔會用, 遇到問題又好難即時應對.
又無人可以保證Google唔會出問題. 重未排除有D人有機會比Google鎖帳號.
入唔到帳號, 又解唔返個Lock. 打黎要我地人手解, 又要你填身份證明.
諗諗下, 你就會明, 其實有可能會產生好多預計之外既問題出現.

其實無得好講, 有D人就想簡單D, 有D人就想安全D.

不過網頁鎖禁個制咁簡單都唔多人用,
莫講話要打開APPS, 搵返個AC, 再入驗證碼.
如果有六隻AC要登入…

依家咁係最簡單架啦, 廢得黎又有小小作用,
至於一鍵解鎖, 其實依家都係簡個AC禁個制, 就解到…咁又覺得麻煩…
咁一係玩家唔好開網頁鎖, 定期改PW, 唔好借帳號比人, 唔好用外掛, 唔好用同一個帳號密碼登入私服…
尤其是依家根本用唔到外掛, 人地整個外掛, D人又信到十足填哂帳號密碼比人…
就算真係比你用到係Work, D外掛公司養肥你一排, 跟往先割你一波~

---

作者: 634    時間: 2024-8-21 18:19
我認同既 正如自助結帳 電子支付 總係有d人用果陣問題多多 多多問題
所以我覺得 只要唔係強制要人開雙重驗證(authenticator bla bla bla)就OK
用與唔用係個人自由
"明白"風險都照剔同意 遇上風險自行承擔亦都好合理
(可能到時你地客服會煩d 但...er...係咁架啦...客服唔係就係專業處理呢d野既咩... 專業架嘛...)

以上純粹分享個人意見

不過網頁鎖禁個制咁簡單都唔多人用,
莫講話要打開APPS, 搵返個AC, 再入驗證碼.
如果有六隻AC要登入…

我之前期望既終極效果係"認證首次使用既電腦"
每個acc只需入一次code 同每個acc每次用都要去官網登入開閂一次網頁鎖 差好遠嘅 根本唔係同一個時間複雜度
anyway純粹係brainstorm

至於一鍵解鎖, 其實依家都係簡個AC禁個制, 就解到…咁又覺得麻煩…

um... 我成堆堆人仔應該會自己寫script做 咁簡單既事求人不如求己 你地唔好整到個firewall咁sensitive就得
當然我唔用個網頁鎖 所以只係9up

---

作者: 634    時間: 2024-8-22 11:08

官方小雲 發表於 2024-8-21 17:34
你用開就緊係無問題啦. 我用開都無問題,
問題係好多人唔會識用/唔會用, 遇到問題又好難即時應對.
又無人可 ...

尋日講完 今日發現我FD個AC被爆左
雖然冇乜值錢野
GC帳號多年前已被忘記 所以一直改唔到密碼亦登入唔到去回報
呢d情況唔知可以點搞 有d尷尬

---

作者: 官方小雲    時間: 2024-8-22 11:23

634 發表於 2024-8-22 11:08
尋日講完 今日發現我FD個AC被爆左
雖然冇乜值錢野
GC帳號多年前已被忘記 所以一直改唔到密碼亦登入唔到去 ...

我都唔知, 要會員網後台問GM.
比人爆左AC, 又無乜值錢野
又要比資料查帳號....不如認認真真重新開個新帳號啦…

---

作者: 634    時間: 2024-8-22 11:29

官方小雲 發表於 2024-8-22 11:23
我都唔知, 要會員網後台問GM.
比人爆左AC, 又無乜值錢野
又要比資料查帳號....不如認認真真重新開個新帳號 ...

咁... 有愛架嘛
冇乜值錢野但心中唔多唔少都有價值既
黎分享下姐 黎之前已回報GM

---

作者: tintinsiu    時間: 2024-8-22 11:38
實際操作一晚如果1個GC帳號+6個遊戲帳號, 但得3個夢之程式keep住條 session
做日任, 搞BP, 打完5場6, 換遊戲帳號打埋5場7團解BP, 帳號又要掛2粒鐘, 掛緊中途, 又要轉返D 勁D 帳號打即/打龍即, 之後又要轉返人掛賣
量多既話, 一晚要3~5次GC 帳號, 解鎖15~25次遊戲帳號
雖然開網頁鎖好簡單, 但係就好繁瑣
個情況有D似呢2個既方別:
1. 去公司內部既廁所, 但環境差, 好臭
2. 去公司外面既大廈公共廁所, 每次出入公司都要拍卡+captcha, 路好長,來回要5分鐘, 但廁所環境好好多
每日都要去好幾次
所以我最後網頁鎖只用在1個遊戲帳的原因

我諗用得google 帳號方式登入都理解, google GG 左就登入唔到
而用得網頁鎖既我都一樣要承擔 GC 網站瓜左既風險, 出事又會入唔到GAME, 比D 唔用既FD笑
(定其實login game 都要靠GC 網站加持先(?))


另外"強制網頁鎖之亂", 果個中午, D 卡盒/寵珠炒到天價可以帶出其實好多人跟本就冇登入唔到GC 帳號, 更莫論想唔想用網頁鎖既問題.
情況可以係遺失左密碼,  或者遺失個帳號
GC會員系統我見冇聯絡電郵/電話, 所以都冇忘記密碼/重設密碼功能
想幫手問下, 得返遊戲帳號, 點先可以連返個GC, 係唔係要, 交咩身份證/親身上去唔知邊交唔知咩表/去民政事宣誓/去警局報冇左個帳號

有遊戲帳號, 以下情況係咪有得處理?
1. 只係唔記得GC 帳號密碼
2. 遺失自己GC帳號
3. 當初朋友GC帳號開遊戲帳號比我玩, 個FD失聯了, 想轉遊戲帳號去我新開的GC帳號

---

作者: 官方小雲    時間: 2024-8-22 11:42

tintinsiu 發表於 2024-8-22 11:38
實際操作一晚如果1個GC帳號+6個遊戲帳號, 但得3個夢之程式keep住條 session
做日任, 搞BP, 打完5場6, 換遊 ...

無論你用咩LOGIN, 解鎖都一定要經GC網站架啦= ="...
你建議個步驟, 係要用Google再Login多一次喎...
你上面講其他登入, 都係增加複雜度,
唔可能直接用Google帳號登入遊戲架喎.

同埋個登入鎖功能, 係一定要你禁一次制.
係遊戲限制, 唔係網頁Session.
我地想縮短/延長個有效時間都唔得…

---

作者: 官方小雲    時間: 2024-8-22 11:48

tintinsiu 發表於 2024-8-22 11:38
實際操作一晚如果1個GC帳號+6個遊戲帳號, 但得3個夢之程式keep住條 session
做日任, 搞BP, 打完5場6, 換遊 ...

1. 只係唔記得GC 帳號密碼
2. 遺失自己GC帳號
你要開個GC會員帳號, 後台聯絡客服人員, 然後填寫個人資料表格, 做個實名認證.
(詳細係點我唔清楚, 因為我無會員網權限.)
=====================
3. 當初朋友GC帳號開遊戲帳號比我玩, 個FD失聯了, 想轉遊戲帳號去我新開的GC帳號

如果個帳號係人地借比你, 你無得匯出.
你話就話聯絡唔到人, 但你咁做, 就算物品係你既, 程序上你都係搶左人地帳號架喎...
所以GC無可能幫你匯出人地個帳號.

在情在理, 我地都係叫你同開帳號個個人聯絡.

---

作者: 634    時間: 2024-8-22 12:12


其實道理上黎講
- 冇共用密碼
- 使用隨機/非常見並且與個人資料無關既密碼
- 冇外洩過密碼
- 冇被外洩過密碼
你係冇乜可能畀人爆到ac...
個網頁鎖單純只係幫你係game帳號密碼已被外洩 而GC帳號密碼未被外洩既情況下 提供一個小小既最後把關
而且要係解開網頁鎖之後呢段真空期搶先登入game 同埋登出game前要記得開返網頁鎖
只係有好過冇 1>0既概念
所以... 冇乜人用係好正常
用網頁鎖既人 求心安既意義係大過實用上既意義

要係我密碼已被外洩 而對方用bot不停嘗試登入 係我解鎖果一瞬間已經畀佢搶左
真係純粹有好過冇
有個一蚊銀係入面既垃圾 總比連一蚊都冇既垃圾黎得好咁解

純粹個人意見

---

作者: tintinsiu    時間: 2024-8-22 12:43
因為我比人爆acc 既朋友們冇用外掛/私服/分享密碼, 所以我都擔心一早訓醒冇左 十萬HKD 既帳號, 先開始用網頁鎖.

多得634大大講起,原本我都冇呢個習慣, 定期改改 game 帳號密碼先

---

作者: 634    時間: 2024-8-22 12:55

tintinsiu 發表於 2024-8-22 12:43
因為我比人爆acc 既朋友們冇用外掛/私服/分享密碼, 所以我都擔心一早訓醒冇左 十萬HKD 既帳號, 先開始用網 ...

其實你用d random password generator
gen個N位數字大小寫出黎 例如:
S1orYafzyU
就冇可能被爆 亦唔需要定期改
要係驚到咁既 乜16位加埋符號
Z&wM$D(Pqeq,%4I3
真係冇乜好驚
(要係GC明文記錄密碼而又出現資料外洩就冇計...)
只係呢d密碼一多你係記唔到...
所以先有password manager既出現
不過夢之應該唔支援?

---

作者: 官方小雲    時間: 2024-8-22 13:07

634 發表於 2024-8-22 12:55
其實你用d random password generator
gen個N位數字大小寫出黎 例如:
S1orYafzyU

我試外掛/私服都係用12位隨機密碼, 都比人爆帳號, 基本上都肯定係外掛/私服所為.

又有幾個回報話無借過帳號比人,
最後查到, 咪又係發現係借帳號比人, 跟往比熟人爆AC...
重要係女朋友DEL哂佢D物品…

---

歡迎光臨 青怡攻略：討論版 (https://bbs.yeeapps.com/)

Powered by Discuz! X3.2