青怡攻略：討論版

標題: 「苔蘚巨人波魯圖斯遠征團」難度調整。 [打印本頁]

作者: Kenny430 時間: 2024-1-9 13:02
標題: 「苔蘚巨人波魯圖斯遠征團」難度調整。
有冇得講下改成點?

作者: tintinsiu 時間: 2024-1-9 14:01
基本攻擊範圍已增加。
被藤蔓纏繞技能抓住的玩家將被傳送一次到地圖的隨機位置。
污染水監獄的攻擊將使玩家更接近王。
污染水監獄的減益效果將影響一半的隊伍成員，隨機選擇。
藤蔓盤繞和污水監獄攻擊不再能夠透過砲彈效果「以 X% 幾率抵抗所有不良效果」來避免。
王的部分(小怪?)會在地圖上的隨機位置產生。
王的部分(小怪?)不再會受到 AoE 攻擊。

https://board.en.nostale.gamefor ... tenance-03-01-2024/

作者: ABC7410369 時間: 2024-1-9 17:27
想知開發團有無打得贏過=.= 隻王連技點打 TP未禁固完又打要打自己友想問做得邊樣跑到過去都死左啦

作者: z65378220 時間: 2024-1-9 23:13
Gc想夢之快啲汁粒睇唔出咩？

作者: teller531 時間: 2024-1-10 06:45
小雲有冇得公佈下改強之後有幾多次通關紀錄

作者: gchoball 時間: 2024-1-10 12:26
改得幾好要比小雲一個讚

作者: hei神 時間: 2024-1-10 12:57
表示有時都要識得插原廠而唔係GC 更不是小雲

作者: 官方小雲 時間: 2024-1-10 18:18
本帖最後由官方小雲於 2024-1-10 18:20 編輯

ABC7410369 發表於 2024-1-9 17:27
想知開發團有無打得贏過=.= 隻王連技點打 TP未禁固完又打要打自己友想問做得邊樣跑到過去都死左啦 ...

下次更新,

藤蔓纏繞
好似會改, 會隔N秒先再發動.

污水監獄
好似都會有D改動.

作者: Tiger1 時間: 2024-1-10 18:36

官方小雲發表於 2024-1-10 18:18
下次更新,

藤蔓纏繞

順便一問精靈保管彈珠有無機會放係sp箱或者消費活動內

作者: 官方小雲 時間: 2024-1-10 18:41

Tiger1 發表於 2024-1-10 18:36
順便一問精靈保管彈珠有無機會放係sp箱或者消費活動內

敬請期待

作者: Kenny430 時間: 2024-1-10 19:21

官方小雲發表於 2024-1-10 18:18
下次更新,

藤蔓纏繞

要改都估到，但我想知團死扣果3%點補救？

作者: hoshit 時間: 2024-1-10 23:43

官方小雲發表於 2024-1-10 18:18
下次更新,

藤蔓纏繞

中左污水效咁啱滅左團你會彈返出去普通地圖但個效未解除你就會係普通地圖到解返個效一完死左=扣3%

作者: 官方小雲 時間: 2024-1-11 00:29
本帖最後由官方小雲於 2024-1-11 01:01 編輯

Kenny430 發表於 2024-1-10 19:21
要改都估到，但我想知團死扣果3%點補救？

其實我都補唔到D咩.
因為無指令可以幫人地隻角色加經,
如果要加返經, 我唯有交比開發幫你加,
但係交比開發整會有個問題, 就係其間唔可以登入遊戲...
之旦係我又無可能叫開發立即馬上幫你整, 所以一攪就可能要鎖幾日…
如果我簡單D補粒女神的祝福(活動用)比你, 你又會覺得我不如唔好補…

現在我唯一可以做到的,
就係好似另一個遠征團咁,
可以聽日返公司用指令關左佢,
等到開發修正好, 先再開返.
(我又唔知大家想唔想我咁做, 定係想由得佢先, 想試打可以繼續試…)

作者: takuchi99 時間: 2024-1-11 01:16

官方小雲發表於 2024-1-11 00:29
其實我都補唔到D咩.
因為無指令可以幫人地隻角色加經,
如果要加返經, 我唯有交比開發幫你加,

開發開發
炒撚左你好唔好呀
親母親大人

作者: Tiger1 時間: 2024-1-11 07:56

官方小雲發表於 2024-1-11 00:29
其實我都補唔到D咩.
因為無指令可以幫人地隻角色加經,
如果要加返經, 我唯有交比開發幫你加,

關左個團算la等下星期修好先再開la，有無同開發反映中污水監牢時候3死和滅團會扣經

作者: gchoball 時間: 2024-1-11 08:39
GCHOBALL 又一新力作

作者: 634 時間: 2024-1-11 09:46
本帖最後由 634 於 2024-1-11 09:51 編輯

官方小雲發表於 2024-1-11 00:29
其實我都補唔到D咩.
因為無指令可以幫人地隻角色加經,
如果要加返經, 我唯有交比開發幫你加,

你閂左佢又會有人嘈
我覺得出個公告話畀人知打呢個團有可能導致扣經等d人自己衡量咪OK
個個都要R着數R補償邊照顧得到咁多

d人之前日日催命符咁催住出act9 講左好多bug都要催住出
而家根本都未穩定又急住玩想搶頭啖湯賺盡d着數佢
有乜不如意又嘈呢樣嘈果樣
個個輸打贏要

作者: 玻璃心 時間: 2024-1-11 10:14

634 發表於 2024-1-11 09:46
你閂左佢又會有人嘈
我覺得出個公告話畀人知打呢個團有可能導致扣經等d人自己衡量咪OK
個個都要R着數R ...

咪又係果個咩TIXXX虎，日鳩日嘈住出，之後每次都係到嘈有BUG

作者: 官方小雲 時間: 2024-1-11 10:44
本帖最後由官方小雲於 2024-1-11 10:47 編輯

takuchi99 發表於 2024-1-11 01:16
開發開發
炒撚左你好唔好呀
親母親大人

其實我無問題架...
但我唔會自願離職~

作者: 茶扉焉語 時間: 2024-1-11 12:02

634 發表於 2024-1-11 09:46
你閂左佢又會有人嘈
我覺得出個公告話畀人知打呢個團有可能導致扣經等d人自己衡量咪OK
個個都要R着數R ...

巨人團本身都冇問題
係改強之後個版本有啫
外國直接推遲兩個禮拜累我地出事

作者: 風鈴 時間: 2024-1-11 12:16
點解有人可以調轉成件事泥講
到底關一開頭出個版本咩事
明明係原廠未試好就要我地出增強後個版本先出事
同埋就係小雲決定維持死亡後扣經呢個問題
12月出先個版本同e+個版本有咩關聯

作者: z65378220 時間: 2024-1-11 12:30
打團打到扣經真係第一次聽

作者: 玻璃心 時間: 2024-1-11 12:40

z65378220 發表於 2024-1-11 12:30
打團打到扣經真係第一次聽

出AW1-30果陣都試過啦，打任何團死左都扣經，連P場被殺都扣

作者: 官方小雲 時間: 2024-1-11 12:48

茶扉焉語發表於 2024-1-11 12:02
巨人團本身都冇問題
係改強之後個版本有啫
外國直接推遲兩個禮拜累我地出事 ...

其實我唔理解.
因為係佢地要求調整, 但係延後更新並無通知我, 亦都無講話唔好更新往.
(可能因為我地要修正佩拉洛精靈個問題？)

作者: 官方小雲 時間: 2024-1-11 12:52

風鈴發表於 2024-1-11 12:16
點解有人可以調轉成件事泥講
到底關一開頭出個版本咩事
明明係原廠未試好就要我地出增強後個版本先出事

咁原本個版本確實係有問題既.
睇返上星期既成功次數, 係遠遠超過以往既遠征團.
感覺上, 就算玩家唔需要換裝都可以輕易完成, 並唔乎合預期.
正常既情況應該係, 玩家一開始好難完成, 到慢慢收集到裝備, 先逐漸變得容易.

作者: 風鈴 時間: 2024-1-11 13:00

官方小雲發表於 2024-1-11 12:52
咁原本個版本確實係有問題既.
睇返上星期既成功次數, 係遠遠超過以往既遠征團.
感覺上, 就算玩家唔需要換 ...

我係指開頭版本有冇bug嘅問題
唔係難易度問題

作者: 634 時間: 2024-1-11 15:59

風鈴發表於 2024-1-11 13:00
我係指開頭版本有冇bug嘅問題
唔係難易度問題

咁原廠為左增加難度改左野咪順手送d bug你玩囉
就咁簡單咋嘛

作者: ngaic1314 時間: 2024-1-11 19:56
請問幾時出6星寵g?

作者: Kenny430 時間: 2024-1-11 20:03

官方小雲發表於 2024-1-11 12:52
咁原本個版本確實係有問題既.
睇返上星期既成功次數, 係遠遠超過以往既遠征團.
感覺上, 就算玩家唔需要換 ...

首先，啱啱出新ACT，有團打有錢搵梗係個個都打啦，個團又唔複雜，食水就頂到，有邊個唔會衝晒去打

作者: Kenny430 時間: 2024-1-11 20:06
就算依家個團改難，都有人成功過到，所以難道唔係一個問題，問題係有bug都照出，3%睇落好似唔係好多，但係有啲人辛辛苦苦上到去70/80%，死一團冇3%，已經嚇到唔敢嘗試啦

作者: Kenny430 時間: 2024-1-11 20:08
只係希望下次如果有新嘢出，查清楚仲有冇bug先推出，有嘅我唔介意好似外國咁樣延遲更新㗎

作者: hei神 時間: 2024-1-11 22:19
其實可以理解為聖誕前夕，多數人都好介意推遲
最後出黎係隻聖誕樹人派箱咁派
人人HAPPY 笑呵呵
但始終聖誕樹人都要走，黎隻黑心樹人大家咪唔想

至於測試團隊個個神裝無限血，一定係靠玩家去發掘堆BUG

作者: 官方小雲 時間: 2024-1-11 23:40
本帖最後由官方小雲於 2024-1-12 00:21 編輯

Kenny430 發表於 2024-1-11 20:08
只係希望下次如果有新嘢出，查清楚仲有冇bug先推出，有嘅我唔介意好似外國咁樣延遲更新㗎 ...

我地試左百幾個Bug出黎回報比開發, 對玩家黎講其實都係無試清楚.
一個花費開發一兩年寫既大更新, 係預玩家玩一兩年…
但營運就只係得兩三個星期要完成哂所有測試…
就算計埋未完成翻譯個段時間, 頂盡都係五六個星期…
期間改完又改, 一有改動又要重新測試一次,
主線任務又大改過幾次, 遠征團又改左十幾個唔同版本, 任務獎勵又改過N次咁,
每次我地都要試完又試, 試完又試, 試完又試, 跟往又可能會產生試左無問題既錯覺…
就好似有玩家回報過, 怪物既掉落資料, 同攻略既資料好似有D出入.
咁係因為, 我地試左好多個版本, 有好幾個版本都同資料相同,
跟往可能某一次更新改左, 但係又無記錄返資料比我地.
係無修改資料既情況下, 試左無問題既野, 我地就會記錄為測試正常.

所以營運一定係會用指令去協助完成，
亦因為咁，測試環境同玩家實際遊戲環境唔同…
好多測試方法都同玩家既遊戲方法唔同,
所以總會有我地試唔到出黎既Bug...

其實最安全既安排係,
所有更新都等英文版出左一兩個月之後, 中文版先套用.
以今次改版為例, 可以預期出現問題既可能性會大大減低，
但同樣地，玩家亦唔會有可能享受快速完成巨人遠征團既時期.
(係好事定壞事, 我唔識去分辨, 因為總會有人覺得好, 有人會覺得差)

除左咁, 其實好多人都一路催催催...急往玩…
口就叫營運試清楚有無Bug先出…手就一路後台回報叫盡快出…
就算A玩家無叫盡快出, B玩家都會叫盡快出…

如果你問我, 我一路都認為最好1~2月先出, 因為根本無可能咁短時間試哂所有野.
但係又會有玩家講, 有問題都出往先, 一係出往一半先, 有問題個D就唔好開往.
(咁當然, 我地都有責任試清楚, 盡量唔好有嚴重問題出現…)
就算你依家問我, 我都唔認為精靈強化同另一個遠征團完全無問題…

但其實咁樣出, 對我黎講係好大風險, 萬一有嚴重問題, 而我又阻止唔到既話, 就好可能回溯處理,
又要遊說開發拍硬擋幫幫手攪掂佢, 又要回應玩家各種追問,
又要同開發傾回溯既收入要點計(回溯一日, 又無可能要開發/員工當係白做一日), 又要同老闆解釋一大輪....

作者: 634 時間: 2024-1-12 09:27
本帖最後由 634 於 2024-1-12 09:43 編輯

官方小雲發表於 2024-1-11 23:40
我地試左百幾個Bug出黎回報比開發, 對玩家黎講其實都係無試清楚.
一個花費開發一兩年寫既大更新, 係預玩家 ...

除左咁, 其實好多人都一路催催催...急往玩…
口就叫營運試清楚有無Bug先出…手就一路後台回報叫盡快出…
就算A玩家無叫盡快出, B玩家都會叫盡快出…

我好奇到底實際有幾多人催? 10個? 100個? 1000個?
計你1000個按港府邏輯咁其餘既玩家又係咪唔支持咁快出? 沉默的大多數呢?
聽意見係好事黎但我覺得都要理解同消化一下唔係話有人嘈d乜就要做d乜
一百個人一百種諗法你地照顧得到幾多?
為你好自己不好喎
事實上催住出既係一班人而家嘈有bug既極可能係另一班人黎魚與熊掌
當然某d一路係咁催劇透催推出見你踩地雷又落井下石有bug又不停嘈果d真係正不該黎

當然可能唔係你既問題亦可能都唔係你地團隊既問題而係更高層次既問題
如果係咁既話下次要事先解釋清楚照出會有乜風險徵求指示白紙黑字有record就更好
到時出乜事起碼唔係你地做細既決定黎

另一點我又好好奇既 GC唔做測試 GF測唔測?
會否你地同步地重覆做緊一樣既野?
即係你地坐係度唔做但遲出一個月會唔會其實開發都會照畀到個穩定版你地?

作者: 官方小雲 時間: 2024-1-12 10:17

634 發表於 2024-1-12 09:27
我好奇到底實際有幾多人催? 10個? 100個? 1000個?
計你1000個按港府邏輯咁其餘既玩家又係咪唔支持咁快 ...

我地同英文版是各自各做測試的.
照道理係, 邊個試到BUG, 兩邊都是會修正的.
不過, 始終係兩個唔同程式, 有時有D野, 佢地改左, 又或者我地改左, 係有可能唔記得幫另一邊整.
又會有時有D特別道具要求, 就唔會兩邊都整.

不過點計都好, 照道理遲出個個係會安全D.
尤其是係我地, 因為我地無程式碼, 無得隨時去改D問題.

作者: 茶扉焉語 時間: 2024-1-12 10:30
個問題係改強版太早出
外國又冇通知
其他都冇問題

作者: 天使協奏曲 時間: 2024-1-12 20:28
其實你話聽意見但扣經依個問題由出新ACT就講到現在
本來扣經係正常因為以前一直都有扣
今次放大左係因為英文版取消左呢個機制個問題就變左我地獨有咁囉
另外係新ACT既AW經驗又唔多變左一死扣3%好攞命

作者: 634 時間: 2024-1-12 22:23
本帖最後由 634 於 2024-1-12 22:37 編輯

天使協奏曲發表於 2024-1-12 20:28
其實你話聽意見但扣經依個問題由出新ACT就講到現在
本來扣經係正常因為以前一直都有扣
今次放大左係因為 ...

以前出act6都係係咁死巴索無限連暈廿幾秒三倍傷狂撳強水都照死咪又係咁打
死只係因為裝備太廢或者不自量力拖太多
何況死左冇晒buff 一定慢過烏龜邊個白痴會畀自己死?
唔扣當然係好事但完全唔覺扣經有乜問題囉

打團死咗扣經咪唔打住囉或者等升左1lv歸零先再刷囉
d怪難打少經又易死咪等佢改弱d先升囉
出左一個月都冇都唔知d人急d乜

作者: 官方小雲 時間: 2024-1-15 10:37
本帖最後由官方小雲於 2024-1-15 10:43 編輯

天使協奏曲發表於 2024-1-12 20:28
其實你話聽意見但扣經依個問題由出新ACT就講到現在
本來扣經係正常因為以前一直都有扣
今次放大左係因為 ...

首先好多謝你發表意見...

不過其實我一路都係話, 大家可以發表意見(唔係聽完就一定實現).

就例如, 每次都有人投訴拍賣放埋D垃圾物品出黎, 邊有人會買...
有D人會覺得, 我地拍賣係為左賺錢？
但其實暗盤拍賣, 每次拍賣個價都係會比市價低...(如果高於市價就買到, 玩家又洗乜拍賣出價)
至於點解會放D垃圾比人拍賣, 咁係有時有D道具無出好耐,
我唔會知道會唔會有玩家想要, 但係又買唔到, 咪叫做有個渠道比玩家入手,
如果好多人出價, 而物品又得一件, 咁咪可能再放返入箱, 等D人有機會可以抽到.
而唔係好似玩家咁覺得, 放咁多垃圾係拍賣到唔知做乜...
(我都知D垃圾有D人睇唔上眼…但可能有其他人想要又收唔到呢…)

英文版選擇將遊戲改到唔扣經, 可能有佢地既特別用意？
至於係咩用意, 我都唔清楚.

野外唔扣經好處
>野外會多左人掛機?
>升LV易D?死左都無所謂?
>打打下訓著左都無所謂?
>可能會多左人?
>新手玩家會易玩左?
野外唔扣經壞處
>多左人嘈交?
>阻往人升LV, 衝去引怪自殺攪亂個場都無所謂?
>D人升升下LV走唔知去邊?
>有D人升LV, 打打下可能會放慢手腳?
>覺得LV易升左, 唔需要再珍惜經驗值, 變得乜都無所謂?

為左可能既好處, 去換可能既壞處, 我唔覺得值得.
而且我唔覺得咁樣做, 會令到多左玩家.
一個版本扣經, 一個版本唔扣經, 就算因為咁, 多左玩家轉去玩英文版, 對我黎講其實又無壞處, 我諗唔到點解我要冒D個風險.

作者: 634 時間: 2024-1-15 12:05
本帖最後由 634 於 2024-1-15 12:16 編輯

官方小雲發表於 2024-1-15 10:37
首先好多謝你發表意見...

不過其實我一路都係話, 大家可以發表意見(唔係聽完就一定實現).

講真邊個打從心底裏鍾意做事下下都要量力而為瞻前顧後丫
人性就係咁
可能國際服貼心係呢個位? idk
有時你地GC太講理論反人性所謂物極必反可能都係一個問題

所謂中庸之道?
純隨口up

依我自己情況要死真係要好hea先會發生所以扣唔扣經真心冇所謂
只係諗果d不忿既人係咪認真謹慎一dd 就可以解決佢地遇到既問題

作者: 官方小雲 時間: 2024-1-15 12:17
本帖最後由官方小雲於 2024-1-15 12:18 編輯

634 發表於 2024-1-15 12:05
講真邊個打從心底裏鍾意做事下下都要量力而為瞻前顧後丫
人性就係咁
可能國際服貼心係呢個位? idk

其實, 我理解唔到英文版唔扣經個用意.

因為新一代玩唔掂D死左會扣經既GAME？
如果因為死左唔扣經, 就會多左人玩既.
咁隻隻GAME死左都唔扣經. 咪隻隻都好多人玩...

都係個句,
就算因為咁, 多左玩家轉去玩英文版, 對我黎講其實又無壞處, 我諗唔到點解我要冒D個風險.

作者: Kenny430 時間: 2024-1-15 13:50
其實⋯⋯問題重點唔係街場死扣3%，呢樣野就由出act7到依家都接受到，依家個問題係喺個團入面死，團滅出嚟扣3%經嘅問題，如果呢個唔係因為改完之後有Bug嘅話，咁想問一下點解唔係由act7開始有呢個情況？

作者: 官方小雲 時間: 2024-1-15 13:54
本帖最後由官方小雲於 2024-1-15 13:55 編輯

Kenny430 發表於 2024-1-15 13:50
其實⋯⋯問題重點唔係街場死扣3%，呢樣野就由出act7到依家都接受到，依家個問題係喺個團入面死，團滅出嚟扣 ...

D個係上星期更新完之後, 出現既BUG.
Act 9.0 遠征團個問題, 下次更新時會修正.

作者: Tiger1 時間: 2024-1-15 13:55
重點係團bug扣3%果陣大回潮都有稀星和雙經延長做補償，今次bug咩補償都無，無90aw真係唔洗試團lo

作者: 官方小雲 時間: 2024-1-15 14:11
本帖最後由官方小雲於 2024-1-15 14:27 編輯

Tiger1 發表於 2024-1-15 13:55
重點係團bug扣3%果陣大回潮都有稀星和雙經延長做補償，今次bug咩補償都無，無90aw真係唔洗試團lo ...

我明白你既意思.
因為開發Setting問題, 導致死左扣經, 係BUG.
因為開發Setting問題, 導致遠征團太易打, 唔係BUG.

之旦係, 遠征團太易打, 又無人回報要求關左遠征團先, 等開發修改好先再開？

都係開發Setting問題, 不過對玩家有利就唔係BUG, 玩家有損失就係BUG, 我真係明.

上次, 因為「耀眼的旅友寶箱」出異常, 需要做回溯, 所以先有稀星+雙經補償.
今次, 我都無因為遠征團太易打而回溯收返D遠征團箱...又點會有稀星+雙經補償...
再者, 2022年個時無「金幣獲得量加倍！」.

今年, 就算無補償, 我都有打算申請新年「金幣獲得量加倍！」.

作者: Kenny430 時間: 2024-1-15 14:21
本帖最後由 Kenny430 於 2024-1-15 14:28 編輯

第一：如果你話：『D人都卡班王打架啦，點會三死/團滅，無呢D情況發生你咪唔知有扣囉』，咁我想問你依家修正返卡王呢個問題，ACT8冰龍團D人一打爆條柱就出事，我自己都打過一之亦都團滅過，但無扣經呢個問題出現，咁點解只係ACT9呢個團有呢個問題？咁唔係bug係咩問題？

第二：如果你話：『如果你驚扣經嘅話，你咪係岩岩升完一AW再打囉，個團岩岩出咁急打做咩』，咁我又想問你依家ACT9出左差唔多一個月，啲怪多血又少經，我自己打一個鐘只有8-9%，有課長裝勁，齊寵，齊抗，齊紋身嘅一小時都有12-13%，咁佢地都要打9-10小時，重要未計上到85或以上，需要嘅時間就更長，平民玩家想靠打團抽裝，啲裝都要81AW先用到，同時機率低，依家有團滅扣經呢個問題，已經有好有多人怕自己辛苦打返嚟嘅經驗，咁無人打團又邊到有裝/抗放。

第三，如果你話：『咁打團死係你自己裝廢組，無血咪食水囉，唔強法咪死囉』，咁我唔否認自己裝廢，無抗，卡得＋15，但隻王一下爆擊就死，咁唔係我唔食水嘅問題，黑仔嘅好易三死，出到嚟見到自己條經驗扣左，咁打左一次就唔會有第二次，咁個團就無人打。

最後我想講返我嘅問題，我唔介意打街場死，問題係突然打團三死團滅之後扣經，如果你話呢個係正常情況，ACT9嘅新機制嘅話，咁我無話好說，只能怪我自己唔問清楚，唔等清楚就打團，咁我當自己黑仔，

唔該大家將個問題搵拉返嚟打團死扣經呢個情況，已唔係變左有人打街場死扣經，之後係到嘈嘅問題。

完

作者: 634 時間: 2024-1-15 14:29

官方小雲發表於 2024-1-15 14:11
我明白你既意思.
因為開發Setting問題, 導致死左扣經, 係BUG.
因為開發Setting問題, 導致遠征團太易打, 唔 ...

因為開發Setting問題, 導致死左扣經, 係BUG.
因為開發Setting問題, 導致遠征團太易打, 唔係BUG.

都係開發Setting問題, 不過對玩家有利就唔係BUG, 玩家有損失就係BUG, 我真係明.

咁講唔係幾岩

開發Setting問題, 導致死左扣經 <- 非開發原意咁做或者期望當然屬於bug 因此要 fix

開發Setting問題, 導致遠征團太易打 <- 個setting本身就係開發開初原意咁做以為可以達到預期效果但係事與願為因此要 improve

雖則最終都係要改但兩者情況係唔同唔可以一概而論

作者: 官方小雲 時間: 2024-1-15 14:30
本帖最後由官方小雲於 2024-1-15 14:31 編輯

Kenny430 發表於 2024-1-15 14:21
第一：如果你話：『D人都卡班王打架啦，點會三死/團滅，無呢D情況發生你咪唔知有扣囉』，咁我想問你依家修 ...

其實已經覆左你.
Act 9.0 遠征團個問題, 下次更新時會修正.

你可以等修正後, 先再試.

前面我都問左, 好唔好關左遠征團先, 有玩家講話, 你出個公告, 等玩家自行決定打定唔打, 會更好.
所以無關到遠征團.

作者: Kenny430 時間: 2024-1-15 14:30

官方小雲發表於 2024-1-15 14:11
我明白你既意思.
因為開發Setting問題, 導致死左扣經, 係BUG.
因為開發Setting問題, 導致遠征團太易打, 唔 ...

所以我從來都無話易打係bug，只係講緊打團死左扣經係唔係bug，不過有人無啦啦將個問題轉左去打街團扣經嘅問題

作者: 官方小雲 時間: 2024-1-15 14:32
本帖最後由官方小雲於 2024-1-15 14:51 編輯

Kenny430 發表於 2024-1-15 14:30
所以我從來都無話易打係bug，只係講緊打團死左扣經係唔係bug，不過有人無啦啦將個問題轉左去打街團扣經嘅 ...

所以我答左.

上次, 因為「耀眼的旅友寶箱」出異常, 需要做回溯, 所以先有稀星+雙經補償.
今次, 我都無因為遠征團太易打而回溯收返D遠征團箱...又點會有稀星+雙經補償...
再者, 2022年個時無「金幣獲得量加倍！」.

今年, 就算無補償, 我都有打算申請新年「金幣獲得量加倍！」.

同埋時序係,
遠征團修正 -> 有玩家回報死左會扣經 -> 唔會有補償 -> 討論區問好唔好關左遠征團先 -> 玩家話出公告, 叫玩家自行考慮打唔打, 等修正 -> 無關到遠征團+出公告

作者: Kenny430 時間: 2024-1-15 14:33

官方小雲發表於 2024-1-15 14:30
其實已經覆左你.
Act 9.0 遠征團個問題, 下次更新時會修正.

我知你覆左我。。只不過係我用打緊無更新到網頁咁解

作者: 官方小雲 時間: 2024-1-15 14:47

Kenny430 發表於 2024-1-15 14:33
我知你覆左我。。只不過係我用打緊無更新到網頁咁解

明白既. 我明白係會有玩家無睇到公告.
但係考慮到玩家既意見, 直接關左佢等修正, 又未必係好事, 所以我只可以講句抱歉.

作者: Kenny430 時間: 2024-1-15 14:54

官方小雲發表於 2024-1-15 14:47
明白既. 我明白係會有玩家無睇到公告.
但係考慮到玩家既意見, 直接關左佢等修正, 又未必係好事, 所以我只 ...

我打完第一條問題之後，就講埋第二大段問題，所以我先無更新到『青怡』嘅網站，令到你覺得我無睇到，加唔理你覆左我嘅情況。
有無補償我覺得唔係重點，只係想知佢有一個bug定咩姐，咁小雲解決咗我嘅問題，所以麻煩你了

作者: Tiger1 時間: 2024-1-16 12:25

官方小雲發表於 2024-1-15 14:32
所以我答左.

上次, 因為「耀眼的旅友寶箱」出異常, 需要做回溯, 所以先有稀星+雙經補償.

aw90達到上限仲可以獲得aw經洗5洗叫開發修復下

作者: 官方小雲 時間: 2024-1-16 13:22

Tiger1 發表於 2024-1-16 12:25
aw90達到上限仲可以獲得aw經洗5洗叫開發修復下

檢查到有玩家等級異常, 開發目前正著手跟進.

作者: 勝哥我至叻 時間: 2024-1-16 17:57

官方小雲發表於 2024-1-16 13:22
檢查到有玩家等級異常, 開發目前正著手跟進.

唔怪得見到18J 飄兒90AW 比人減到得返87AW 原來玩BUG升
想問有冇懲罰 ? *對呢種玩BUG玩家

作者: 琳紙長 時間: 2024-1-16 18:07

勝哥我至叻發表於 2024-1-16 17:57
唔怪得見到18J 飄兒90AW 比人減到得返87AW 原來玩BUG升
想問有冇懲罰 ? *對呢種玩BUG玩家 ...

咪係囉, 有咩理由玩BUG唔洗鎖7日帳號.

作者: 勝哥我至叻 時間: 2024-1-16 18:10
本帖最後由勝哥我至叻於 2024-1-16 18:11 編輯

官方小雲發表於 2024-1-16 13:22
檢查到有玩家等級異常, 開發目前正著手跟進.

咪係囉公然玩BUG 事後降返AW就算數佢咪好著數?呢家玩BUG都無懲罰即係同班玩BUG既講 "你玩啦玩完都係復原返"

作者: 官方小雲 時間: 2024-1-16 19:00
本帖最後由官方小雲於 2024-1-16 19:03 編輯

勝哥我至叻發表於 2024-1-16 18:10
咪係囉公然玩BUG 事後降返AW就算數佢咪好著數?呢家玩BUG都無懲罰即係同班玩BUG既講 "你玩啦玩完都係 ...

玩家不可利用遊戲中非自然或非刻意之錯誤 BUG（未公告BUG之部份將以本公司認定為主）或遊戲漏洞，甚至造成伺服器負擔加重或當機等，讓自己受惠或牟利他人，導致遊戲失衡之行為，玩家在發現遊戲的BUG後，應及時向遊戲管理人員反應，如玩家利用遊戲程式的BUG、漏洞或規則不盡完善之處以及其他任何非正常方式，而取得或複製遊戲中之虛擬寶物、裝備、屬性能力、經驗值、角色資料、等級暴升或其他任何利益暴增等等，而導致遊戲造成不平衡等損失，及任何會造成伺服器負擔加重或當機之行為，所有關係者之一切資料將由本公司認定回復至早先的正確狀態，違者本公司得終止與您之遊戲服務合約，並將追溯相關法律責任。

官方將回收玩家利用 BUG進行遊戲而直接、間接獲得之非法利益，但若發生之情形過於重大而有無法正確回收非法利益，或該非法利益可能連帶產生其他無法回溯之情況，將暫停其遊戲使用權至使用者帳號資料修正為止，或對該遊戲帳號之所有角色進行重置為全新角色之處分，並且將回溯至正常資料之前的備檔資料。

各類不當技巧不得在遊戲內公眾區域以任何方式公開討論違者將加以懲罰。任何蓄意破壞遊戲流程影響大多數玩家權益的行為，本公司有權加以處分。對於所有不當行為，本公司有最終解釋與裁判

-------------------------------------------
睇返今次既情況, 玩家似乎沒有以任何方式公開討論，亦沒有任何蓄意破壞遊戲流程影響大多數玩家權益的行為，因此直接根據資料所判斷回復至早先的正確狀態。

作者: 勝哥我至叻 時間: 2024-1-16 19:05
本帖最後由勝哥我至叻於 2024-1-16 19:09 編輯

官方小雲發表於 2024-1-16 19:00
玩家不可利用遊戲中非自然或非刻意之錯誤 BUG（未公告BUG之部份將以本公司認定為主）或遊戲漏洞，甚至造成 ...

你講咁多最重點咪都係果句 "本公司有最終解釋與裁判"

作者: 海S花生友 時間: 2024-1-17 20:18

官方小雲發表於 2024-1-16 19:00
玩家不可利用遊戲中非自然或非刻意之錯誤 BUG（未公告BUG之部份將以本公司認定為主）或遊戲漏洞，甚至造成 ...

玩BUG玩得咁開心不如幫佢地轉返AW1等佢地重新升過比D阻嚇如果唔係又有下一次

作者: Tiger1 時間: 2024-1-19 10:48

官方小雲發表於 2024-1-16 19:00
玩家不可利用遊戲中非自然或非刻意之錯誤 BUG（未公告BUG之部份將以本公司認定為主）或遊戲漏洞，甚至造成 ...

新團仲有bug中污水監牢3死出去都係會扣3%經，還有污水監牢被人打死會計死2次的bug

作者: 官方小雲 時間: 2024-1-19 13:39

Tiger1 發表於 2024-1-19 10:48
新團仲有bug中污水監牢3死出去都係會扣3%經，還有污水監牢被人打死會計死2次的bug ...

中污水監牢3死出去
是指, 死第三次時，身中污水監牢退出遠征團會扣3%?

被人打死會計死2次
是指, 比玩家打死, 會扣2個心?

作者: Tiger1 時間: 2024-1-19 13:49

官方小雲發表於 2024-1-19 13:39
中污水監牢3死出去
是指, 死第三次時，身中污水監牢退出遠征團會扣3%?

應該係滅團果陣你身處污水監牢會死在出面然後扣3%，或者叫開發修改返a9團點死亡不會扣經lo，或者滅團時解除所有負面buff

作者: Tiger1 時間: 2024-1-19 13:53

官方小雲發表於 2024-1-19 13:39
中污水監牢3死出去
是指, 死第三次時，身中污水監牢退出遠征團會扣3%?

還有機甲團中了移動偵測炸彈剛好滅團，係出面移動,用技，攻擊觸發死亡都會扣3%,試左

作者: 官方小雲 時間: 2024-1-19 14:31
本帖最後由官方小雲於 2024-1-19 14:33 編輯

Tiger1 發表於 2024-1-19 13:49
應該係滅團果陣你身處污水監牢會死在出面然後扣3%，或者叫開發修改返a9團點死亡不會扣經lo，或者滅團時解 ...

其實有講過...但佢地按照自己既方式去改...
我再同佢地傾下...
另外你話中污水監牢比隊友打死扣2心, 試左幾次,好似無遇到相同問題.

作者: 官方小雲 時間: 2024-1-19 15:30
本帖最後由官方小雲於 2024-1-19 17:56 編輯

Tiger1 發表於 2024-1-19 13:49
應該係滅團果陣你身處污水監牢會死在出面然後扣3%，或者叫開發修改返a9團點死亡不會扣經lo，或者滅團時解 ...

試左滅團, 其他角色身上有污水監牢, 角色死出去, 都會無左Debuff...

重現唔到你個問題...

---------------

不過, 我繼續嘗試同開發說明…

我再睇下有無資料…

---------------
查左資料, 應該係重有機會出現問題, 導致角色扣減經驗值. 不過暫時未知問題起因。

考慮到部份玩家的意願，營運團隊決定暫不關閉遠征團，

建議玩家在參與遠征團時自行考慮其風險。

作者: hei神 時間: 2024-1-20 00:11

官方小雲發表於 2024-1-19 13:39
中污水監牢3死出去
是指, 死第三次時，身中污水監牢退出遠征團會扣3%?

試過被綁緊數8下期間
綁緊2位玩家距離好近
第3位玩家用范圍技同時打中
果2位玩家即死扣2心

作者: 夢之小朋友 時間: 2024-1-21 02:08
打12人團 10轉咒招靈魂蜘蛛打到去玩家身上食左招DEBUFF 瞬間跌到1血

作者: ngaic1314 時間: 2024-1-21 09:35
A9日任,雙經日交完任,沒有雙培經驗獎勵

作者: Tiger1 時間: 2024-1-21 12:55

官方小雲發表於 2024-1-19 15:30
試左滅團, 其他角色身上有污水監牢, 角色死出去, 都會無左Debuff...

重現唔到你個問題...

可唔可以問埋原廠到底aw上限係90定99 點解aw90後仲可以有aw經驗值

作者: 官方小雲 時間: 2024-1-22 10:10

Tiger1 發表於 2024-1-21 12:55
可唔可以問埋原廠到底aw上限係90定99 點解aw90後仲可以有aw經驗值

你係點拎到經驗值?
我地試打到90之後, 再打就加唔到經.
如果你角色死左, 扣返去0%, 照計就唔會再加.

作者: 官方小雲 時間: 2024-1-22 10:12

ngaic1314 發表於 2024-1-21 09:35
A9日任,雙經日交完任,沒有雙培經驗獎勵

之後任務, 應該都唔受雙經影響.

作者: 官方小雲 時間: 2024-1-22 10:15

hei神發表於 2024-1-20 00:11
試過被綁緊數8下期間
綁緊2位玩家距離好近
第3位玩家用范圍技同時打中

綁左之後, 玩家打玩家扣血應該少左.
第3位玩家, 係用咩技能打中玩家.

作者: Tiger1 時間: 2024-1-22 12:30

官方小雲發表於 2024-1-22 10:15
綁左之後, 玩家打玩家扣血應該少左.
第3位玩家, 係用咩技能打中玩家.

範圍技能就可以了

作者: Tiger1 時間: 2024-1-22 12:31

官方小雲發表於 2024-1-22 10:15
綁左之後, 玩家打玩家扣血應該少左.
第3位玩家, 係用咩技能打中玩家.

同埋佢個藤蔓機制會唔會再變動

作者: 茶扉焉語 時間: 2024-1-22 14:17

官方小雲發表於 2024-1-22 10:15
綁左之後, 玩家打玩家扣血應該少左.
第3位玩家, 係用咩技能打中玩家.

https://youtu.be/MyU3ZL6lZFM

外國有片

作者: Tiger1 時間: 2024-1-23 11:04

官方小雲發表於 2024-1-22 10:15
綁左之後, 玩家打玩家扣血應該少左.
第3位玩家, 係用咩技能打中玩家.

今日更新有無修正返8人團有機會2死的bug和掉經bug

作者: abcdefg 時間: 2024-1-23 11:33
本帖最後由 abcdefg 於 2024-1-23 12:03 編輯

官方小雲發表於 2024-1-22 10:10
你係點拎到經驗值?
我地試打到90之後, 再打就加唔到經.
如果你角色死左, 扣返去0%, 照計就唔會再加. ...

想問無人機精靈既特殊效果係咩?
同埋無人機精靈入左精靈珠會唔會keep到個%?

作者: 官方小雲 時間: 2024-1-23 12:20

abcdefg 發表於 2024-1-23 11:33
想問無人機精靈既特殊效果係咩?
同埋無人機精靈入左精靈珠會唔會keep到個%?
...

1.
在攻擊力中增加了 X%的屬性力氣
英雄卡元素能力增加1。
攻擊時，對方的X抵抗減少3

2.
唔會KEEP %

作者: 官方小雲 時間: 2024-1-23 12:22

Tiger1 發表於 2024-1-23 11:04
今日更新有無修正返8人團有機會2死的bug和掉經bug

兩個情況我地都重現唔到, 我唔能夠肯定答到你.
開發係話修正左問題.

如果再有問題, 請向我們回報.

作者: abcdefg 時間: 2024-1-23 12:27

官方小雲發表於 2024-1-23 12:20
1.
在攻擊力中增加了 X%的屬性力氣
英雄卡元素能力增加1。

但隻精靈下面白色字描述唔係話有時會有特殊效果?

作者: Tiger1 時間: 2024-1-23 12:31

官方小雲發表於 2024-1-23 12:22
兩個情況我地都重現唔到, 我唔能夠肯定答到你.
開發係話修正左問題.

話說點解港伏係50%人地國際服係80%

作者: Tiger1 時間: 2024-1-23 12:34
50升到110起馬打成100萬隻怪仲要係act9怪

作者: 官方小雲 時間: 2024-1-23 16:22
本帖最後由官方小雲於 2024-1-23 16:29 編輯

Tiger1 發表於 2024-1-23 12:31
話說點解港伏係50%人地國際服係80%

一次過答哂你地…

因為架無人機開發改過好多次,
一開始架無人機好容易拎, 效果亦都同依家唔同.
其中一個效果原本係「攻擊時，有?%機率對方的?抵抗減少?」，所以有句野寫「有時候精靈還會產生特殊效果」
其中一次更新改左「攻擊時，對方的?抵抗減少?」…照道理係應該改做「精靈還會產生特殊效果。」？
(不過改唔改無大影響, 所以廢事又麻煩開發…)

因為前期測試, 無人機容易入手，效果又比佩拉洛高，所以我地同開發討論左好多次
我地認為咁既設定唔合理，開發同意「佩拉洛」上限改做「110%」，「無人機」初始改做「50%」(原本係60%)
跟往臨推出前，佢地又改高左「無人機」初始值，又改左放入珠會還原初始值。
所以就變左50%同80%好似差距好大咁.

作者: abcdefg 時間: 2024-1-23 19:15

官方小雲發表於 2024-1-23 16:22
一次過答哂你地…

因為架無人機開發改過好多次,

可唔可以反映下
時空石同埋遠征團都唔計無人機升%殺既怪其實真係好難升
同埋幾時可以將act9 怪果堆垃圾移除加返天去入去 (垃圾e.g. 水火光暗屬性之石果堆)

歡迎光臨青怡攻略：討論版 (https://bbs.yeeapps.com/)