青怡攻略：討論版
標題: ［小雲請入］合Ser問題 [打印本頁]
作者: pleasereply 時間: 2021-10-11 12:20
標題: ［小雲請入］合Ser問題
本帖最後由 pleasereply 於 2021-10-11 13:18 編輯
建議合併森林之夢與天空之夢
作為夢之歷險十幾年嘅玩家
見識過天空海洋森林大地星河冒險月光太陽等多個Ser嘅興亡
我相信GC開合左咁多個Ser都知道一個新Ser嘅人潮會隨住時間點樣發展
永遠都係打住新Ser嘅名堂一開始吸引到好多人玩好多人課金之後慢慢就走晒
森Ser同樣都係 2019年岩岩開果陣加埋COVID-19work from home同停課
多人玩到好似十幾年前夢之最高峰果陣咁
但依家已經無得work from home又復左課
加上天海台合Ser吸引翻森Ser本來係天Ser有AC嘅人翻去
森Ser嘅人數越黎越少
森月太Ser合Ser之後森Ser都係仲係咁冷清 將2個無人嘅Ser合上黎都係無用架..
依家森Ser少人到令人到無晒意欲玩 更加唔好話課金
個個趕住換HKD套現走人
森Ser淨低嘅都真係忠實嘅玩家
我夠敢講留係到有九成人都係信會合Ser先會留係到等
合天森Ser一定係遲早嘅時
相信森Ser嘅玩家係2019/20年果陣為GC帶黎左好多收入
依家見到天Ser發展良好係咪就可以棄森Ser嘅玩家唔理?
點解唔等森Ser玩家心灰意冷走晒之前
合左天同森等森Ser玩家可以繼續有動力玩繼續課金?
我知GC都係想賺錢姐
合Ser之後森嘅活人同退左嘅人見人多一定會多人玩翻
加上森Ser嘅發展程度黎到天Ser一定可以促成良性競爭
到時其實又一大堆人課金
其實咁咪更加鼓勵人課金咪賺得仲多…
如果你話個Ser會負荷唔到
森Ser高峰期有2Ser爆滿其他快爆了
天Ser依家都只係Keep住1Ser快爆了/爆滿
我相信只要GC肯一定可以負荷得到
或者再開多幾個分流分擔
好似以前有6個Ser嘅天Ser咁
咁就唔使擔心森Ser人數影響AW場需求
由天森月太4個Ser變左做淨係得天一個Ser多幾個分流應該仲容易負荷掛?
至於你話data base做唔到
呢個係天海台合之前話合唔到嘅原因
天海台合Ser已經推翻左
GC係有能力做到
至於之前又話原廠話合約一定要有4個Ser
所以一直唔可以森同其他合
森月太合Ser都推翻左
至於合Ser後天Ser物價方面
根據上一次天海台合Ser
換HKD嘅價幾乎都升晒
至於Game$就應該會眨左價
但更多錢沖裝沖卡我覺得亦無唔好
同埋好快就會搵到個點平衡翻
所以我相信
合天森係只要GC肯聽玩家嘅意見去研究一定可以做到
希望其他小雲,其他森林玩家都可以一齊幫手向GC提議合天同森Ser
或者小雲可以話比大家知原廠唔肯合ser嘅考慮點係邊
天Ser玩家都可以講下唔想合Ser嘅原因 除左AW場太少同物價之外仲有咩原因(理性討論 要笑要派膠隨便你懶得理你)
作者: 官方小雲 時間: 2021-10-11 13:43
本帖最後由 官方小雲 於 2021-10-11 14:34 編輯
唔係賺唔賺錢既問題.
而係合約既問題.
大改版既時候, 可能會再開新SER, 以符合返合約既要求.
同埋更正返你既說法.
係3個伺服器, 唔係4個.
不過依家講，太早啦, 到改版睇下開發會唔會提話要加返SER啦.
如果開發唔提, 我地應該都唔會再開。
我諗天森合併，唔會係遲早既事.
如果之後唔開新SER,天森都唔會有可能合併.
(即係你同開發講合併，開發同你講開完新SER先講，成件事係唔可能有共識)
另外就係，關於分流。
分流係唔會減輕伺服器負擔，而係會增加伺服器負擔。
你可以想像成，
如果一個分流 = 一套程式開100張地圖
如果兩個分流 = 一套程式開200張地圖
如果三個分流 = 一套程式開300張地圖
以依家既遊戲內容去計，已經唔可能支持一個系統開六個分流。
即係以前每個分流50個地圖，所以可以開6個分流。
依家每個分流75個地圖，所以可以開4個分流。
(上面只係例子，唔係實數)
伺服器負唔負擔到，唔係靜係睇有幾多玩家，
係要睇有幾多地圖，有幾多怪物，背後有幾多程式要Run。
作者: 月殞 時間: 2021-10-11 13:46
官方小雲 發表於 2021-10-11 13:43
唔係賺唔賺錢既問題.
而係合約既問題.
大改版既時候, 可能會再開新SER, 以符合返合約既要求. ...
聽日出14週年活動?
作者: 官方小雲 時間: 2021-10-11 13:47
月尾先係。
作者: pleasereply 時間: 2021-10-11 14:25
本帖最後由 pleasereply 於 2021-10-11 14:28 編輯
但無論原廠定代理唔係都係想隻game賺錢咩...
唔講賺錢咁講咩
即係依家GC同原廠合約都仲係話要3個伺服器?
如果係咁當初係用咩方法說服原廠合淨2個?
如果可以之後再開新Ser符合翻合約要求 係咪即係可以再合Ser之後再算?
分流係減輕玩家對合左Ser之後對AW場嘅需求
減輕伺服器負擔係講緊將天森合併 咁可以森林cut左4個分流 但因為天空可能4個分流唔夠用 天Ser到時可能加多少少開做5-6個咁
咁即係用森林4個分流換做天空1-2個分流
唔係就係減輕左負擔咩?
同埋想問下有無同原廠提及過合天森呢個建議?
原廠有無咩意見?
定根本無幫玩家向原廠反映過?
我知岩岩先合完森月太好麻煩你地同原廠但有無可能可以同原廠解釋下森現況同夢之嘅人流再傾下點符合份合約?
同佢講下合完真係好處多好多傾下可唔可行?
作者: 官方小雲 時間: 2021-10-11 14:34
本帖最後由 官方小雲 於 2021-10-11 14:59 編輯
關於合併, 我再講多次個原則。
永遠都係最少人既伺服器合併
例子:
情況 1: 天空 海洋 冒險 森林 -> 要變做3個伺服器, 海洋同冒險合併, 意義不大, 拒絕合併
情況 2: 天空 海洋 冒險 森林 太陽 -> 要變做3個伺服器, 太陽 = 新SER 不會合併, 天空 海洋 冒險 = 最少人既伺服, 接受合併
情況 3: 天空 森林 太陽 月亮 -> 要變做3個伺服器, 太亮同月亮合併, 意義不大, 拒絕合併
情況 4: 天空 森林 太陽 月亮 -> 正常要開左新伺服器, 森林 太陽 月亮 = 最少人既伺服, 接受合併
所以下一個情況5, 一定係加SER, 因為本來就係要先加SER, 再考慮合併, 依家只係改左次序, 合併左先.
從來無放唔放棄, 唔通之前 天空 海洋 冒險 合併， 又係我們放棄天空咩…
分流>
伺服器, 唔係砌積木…
唔係1+1=2，而係1/1=1。
1 個程式唔可能同時控制咁多地圖同怪物.
1 個程式開4個分流, 都只會係1/4, 唔會變左4.
當1/4個程左唔可以穩定控制所有野既時候就會崩潰…
而你個意思係
天空 = 伺服器1, 森林 = 伺服器2
當你刪左森林, 伺服器1 依然都係伺服器1, 伺服器2 依然都係伺服器2.
就好似你屋企有兩部機, 電腦1同電腦2.
你都唔可以刪完電腦2，就令到你部電腦1可以同時行兩個Windows架…
你部電腦1,依然都係電腦1, 無變架.
同埋想問下有無同原廠提及過合天森呢個建議>
情況 3: 天空 森林 太陽 月亮 ->天空同森林合併, 唔係最少人既伺服, 拒絕合併.
之前天空+森林, 可以符合合約要求既時候都拒絕, 依家得返天空森林, 就更加無可能合啦…
作者: pleasereply 時間: 2021-10-11 15:08
本帖最後由 pleasereply 於 2021-10-11 15:30 編輯
明白合Ser嘅原則 多謝你解說
但係現時夢之嘅情況真係唔係好似以前咁可以令到3個伺服器都有人流
(我有人流嘅定義係伺服器weekend假期可以至少一個分流快爆了 應該合理?)
依家就算係有COVID-19嘅因素下 都最多只係可以2個伺服器係有人流(森林未少人流前+天海台岩岩合Ser果陣)
咁呢個情況下會唔會可以同原廠商量下隻Game可能要隨住玩家嘅人流作出伺服器嘅調整?
姐係合約所訂定嘅至少要有3個伺服器可唔可以調整下? (如果可以都想了解下點解原廠份合約堅持要有3個Ser...目的都係賺錢 只要賺到錢集中做好一個Ser唔會更好咩)
因為考慮到玩家嘅遊戲體驗加GC同原廠嘅利益
我都係見雙方都有得著先提出呢個方案
所以先想麻煩下您唔可以試下向原廠解釋下港服現況(人流 合Ser意願)睇下可唔可以接納到
亦都想知原廠聽完基於咩理由反對(成本?技術上?etc)
作者: 官方小雲 時間: 2021-10-11 16:48
本帖最後由 官方小雲 於 2021-10-11 17:05 編輯
合約 往往都會有D唔合理既野。
合約 往往就係會迫你做D你唔想做既野。
就好似D商場鋪頭咁，有D租鋪既商戶，
大地主係唔會理你賺唔賺錢，賺幾多錢。
一租就要租幾間，唔理你租第2第3間賺唔賺錢，就算第2第3間唔賺錢，水電煤都係要你比。
第2第3間，都係要放錢入去投資，
或者有一日，第2第3間都賺錢，
佢就迫你交返鋪出黎，一係就加你租金。
唔存在放唔放棄任何一間鋪，大地主係十分樂意見到你既鋪頭彈起。
就算第2第3間一直都唔賺錢，佢地都係收咁多間鋪既錢。
作者: pleasereply 時間: 2021-10-11 18:37
本帖最後由 pleasereply 於 2021-10-11 18:57 編輯
如果我無理解錯嘅話
即係依家有兩個問題
第一個問題
合約要求最少有3個伺服器
想問下呢個合約係幾時訂立?係夢之仲好多人潮果陣訂立?
如果係咁可以參考我上一個回覆向開發反映下先
作為一隻十幾年嘅遊戲 事實已經證明左現有人潮無辦法繼續保持住3個伺服器都有人潮
如果都係唔得 開發都係唔容許改 一定要有3個
既然地主唔在乎你第2 3間店賺唔賺到錢 只要交到租就得
咁我係租客我一定會保持住自己最大利益先 留住所有客仔
天同森合併 開多2個空嘅伺服器出黎 比想單機嘅人單機(或者比啲其他理由 咩全新伺服器重拾初心重新體驗)
咁樣符合地主嘅要求又得唔得?
如果唔得 應該就係第二個問題
開發只係容許最少人同最少人嘅伺服器合併?
如果係咁根本就好唔合理 注定除左天空以外嘅人就比GC放棄左
或者你會話 佢地可以選擇去天空從新開始玩
但有無諗過 先唔講錢唔錢 淨係時間 點樣放棄一個發展好晒所有野嘅地方 由零開始...
如果有數據可以睇 我諗夢之個年齡層都唔係後生
要有幾熱愛幾得閒先可以咁樣由頭黎過? 我諗唔少退左夢嘅人就係因為咁選擇退夢
我係森林玩家睇到呢到都真係幾絕望 森Ser玩家真係condom黎 賺完佢地果筆就棄之不理
森Ser嘅人永遠無可能同天空合併 最多同新開嘅無人嘅Ser合併... 永遠都係無人..
除非連天Ser都無人 先有機會同天空合
的確 依家天Ser嘅人潮唔愁隻Game短期內玩完
但當你連天都無人 衰啲講句 隻Game真係要執架啦喎 等到果時?
定係到時都仲話要3個伺服器 少人同少人合 唔合得架
我亦諗唔到一個可以谷起新Ser嘅人潮嘅機會 或者谷起森林人潮嘅機會
一個伺服器 如果連新出嘅活動 舊嘅活動都運作唔到 仲有咩謗因留係到?
夢之嘅特色:遠征隊 幾乎都係玩家多開(仲要ban左6開以上) 就算20人團 可能都係得3-4個活人
最近幾次嘅活動團 睇數據都見到參與度係幾咁低
廚師卡 打團嘅料幾乎刷唔到 貪龍團雞團MSG 料又無人打
成個Ser黎黎去去幾個人 行兩圈都認得晒 仲係一隻online game? 係幾咁可悲
原廠到底知唔知堅持3個伺服器/少人合少人Ser嘅現況就係咁
我明白小雲都係打工仔
原廠同GC都係想賺錢少啲麻煩
但可唔可以幫手反映下呢2個問題造成嘅現象
真係幫手再同GC同原廠討論多次
依家就係一班仲有消費力嘅潛在消費者係到就咁比人放棄左
隻Game咁成功趁住COVID-19搵翻一堆人流翻黎 又自己親手放棄...
好似我一開始咁講 係佢地心灰意冷之前嘗試過努力過挽留一下
有錢賺嘅方案我諗唔到原廠會拒絕嘅理由(技術上容許但用自己訂立嘅合約阻住自己賺錢?唔係掛?)
合到嘅話就係雙贏
希望真係幫手認真反映多次 然後話比玩家知問題所在 thanks
作者: 官方小雲 時間: 2021-10-11 18:59
如果有消息，會係官網公佈返。
作者: pleasereply 時間: 2021-10-11 19:09
唔該晒小雲
希望係真係係退夢之前有好消息
如果原廠需要啲咩現況,資料,或者提出咩問題要幫手提供比佢跟進研究
可以係呢到隨便講 一定會努力提供!
thank you
作者: 原來如此哥 時間: 2021-10-11 19:17
要合自然會合啦
好似之前天空海佯咁
使燃你甘多爹咩傻仔
你教gc做野呀?
作者: 634 時間: 2021-10-12 13:02
咁我覺得係遊戲設計問題
個別地圖好熱門, 分分鐘要開到10個分流先夠用
而大部分地圖根本係一年入面都冇幾個玩家會入去, 浪費server資源
再咁落去開act8 act9, 係咪要cut到得返兩個分流?
不如某d唔常用既地圖, 淨係個別分流先會開放
不過我諗原廠應該都係懶得搞呢d架構上既優化架喇
作者: 月殞 時間: 2021-10-12 13:46
634 發表於 2021-10-12 13:02
咁我覺得係遊戲設計問題
個別地圖好熱門, 分分鐘要開到10個分流先夠用
而大部分地圖根本係一年入面都冇幾 ...
換新server好過
禁入地圖好奇怪姐
地圖一定愈黎愈多
作者: 官方小雲 時間: 2021-10-12 13:58
本帖最後由 官方小雲 於 2021-10-12 14:11 編輯
其實係架…
好多無用既地圖…係浪費資源…
(唔只普通地圖, 有D時空裂縫, 其實都拆開好多份…由好多地圖組成)
但係好多地圖，又牽涉到一D舊既任務/功能…
如果唔開，新玩家又會卡關…(就算無新玩家, 但都會有人重練新角色)
但又唔可以個別獨立控制一個分流某個地圖…
所以應該都無解?
點都好…都唔到我地控制…
不過開發應該會研究掛…
作者: 官方小雲 時間: 2021-10-12 13:59
本帖最後由 官方小雲 於 2021-10-12 14:15 編輯
上年先換完, 如果唔係上年邊合到SER…
所以唔係硬件問題…
作者: GUIV 時間: 2021-10-12 16:51
睇返上一個post 班港豬其實合唔合都無咩所謂啦
玩多一排咪又係會比人封
作者: ab1313332 時間: 2021-10-16 12:39
你抽返一個伺服器出黎搞個跨服PVP好過啦 唔洗整好多張地圖 有得森S VS 天S已經可以即刻救到森S人流
作者: z65378220 時間: 2021-10-19 19:26
合合合 日日合 E+想係太陽挽單機GAME都無得挽 
作者: 我叫如比哥 時間: 2021-11-16 12:55
森SER係抵卵死架,唔抵可憐,成班垃圾
| 歡迎光臨 青怡攻略：討論版 (https://bbs.yeeapps.com/) |
Powered by Discuz! X3.2 |