青怡攻略：討論版

標題: 淺談夢之歷險官方管理處事態度 [打印本頁]

作者: 有翼不能飛 時間: 2020-4-15 17:08
標題: 淺談夢之歷險官方管理處事態度
今日於森林之夢同玩家閒聊
發現森林之夢既玩家極為睿智
不少問題一針見血
令我天空之夢玩家深受啟發
因此特意轉述部份聊天內容，以下開放討論但不作評論。

「你們隻怕下面的人鑽規則漏洞，
難道就不怕上面的人故意破壞規則嗎？」
（天空之夢原廠因外掛NoX封鎖帳號mojo/凝傷/hit家長f字頭戰等帳號）
（三天後不敵玩家壓力私下解封）

「你們定下了規則，但又不讓所有人知道規則内容
說白了，就是怕自己破壞規則的時候，被别人抓包
會引起别人的不滿。正因爲規則不透明
才滋長了權力的傲慢與腐敗。而在這高壓威權之下，
所有人都不知道自己哪天就會觸犯所謂的規則，
于是便整日活在惶恐之中。漸漸的，人們不相信什麽規則，隻相信權力，選擇退遊，賣帳後肆意用掛」

（本人多次查詢有關mojo/凝傷等帳號，官方只以一句
［個別例子不作評論］，回應本人所有問題）

直至今時今日，仍然未能得知原因/事件真相......

*我迷失在這場黑幕遊戲*
*極權統治*

作者: 11264080 時間: 2020-4-15 17:26
係咪要搵原廠投訴下?真係轉過個代理重新黎過算

作者: abcde12345 時間: 2020-4-15 17:41
小雲一直話自己權力好細，但係另一方面就無視，甚至反對原廠做既決定，強行解封原廠落trap捉外掛既帳號。
上面幾隻AC全天空都知佢地係外掛自動打怪，但封唔夠三日GC就解封晒，其實係咪封左AC，上門搵你地直接傾就可以解封番??
小雲可能唔知，比埋圖你睇下，你啲手下點樣回覆玩家

作者: 官方小雲 時間: 2020-4-15 18:01
無用外掛點解要驚?

作者: abcde12345 時間: 2020-4-15 18:06
本帖最後由 abcde12345 於 2020-4-15 18:10 編輯

官方小雲發表於 2020-4-15 18:01
無用外掛點解要驚?

點解確實用外掛(唔係多開問題，係NOC自動打怪)，都可以三日內照解封？點解Ming唔係直接答話佢地無用外掛，而係答個別情況，正因為佢地有上門搵你地?

作者: 官方小雲 時間: 2020-4-15 18:11
本帖最後由官方小雲於 2020-4-15 18:31 編輯

abcde12345 發表於 2020-4-15 18:06
點解確實用外掛(唔係多開問題，係NOC自動打怪)，都可以三日內照解封？點解Ming唔係直接答話佢地無用外掛， ...

我唔知你係想鑽研個解封漏洞出黎，定係想幫個個玩家解脫？

依家已經有可以100%確認某個外掛既Trap，所以之後再有人用個一個外掛都係100%永久鎖。
因為第一個星期加Trap，有幾個帳號既LOG唔完整，咪迫往解返封，就係咁簡單。

同埋唔係我地強行解封，
而係我地問開發拎LOG既時候，
開發因為比唔到完整LOG，所以解封左玩家，擺我地上台。

作者: 蒂蒂 時間: 2020-4-15 18:16

作者: abcde12345 時間: 2020-4-15 18:17
本帖最後由 abcde12345 於 2020-4-15 18:20 編輯

官方小雲發表於 2020-4-15 18:11
我唔知你係想鑽研個解封漏洞出黎，定係想幫個個玩家解脫。

係想知點解GC有能力無視原廠既封鎖名單姐?
如果以上玩家係無用外掛，點解你地唔係答玩家沒有使用外掛，而係答個別情況呢?
另外你地自己官網都有公告「被開發商及官方確認使用外掛的遊戲帳號角色，一經被確認將會永久封鎖。」http://nos.gamecyber.net/news/20200205_n.htm。咁又點解釋以上玩家可以比你地解封呢?係咪直接證明左只要玩家願意課金或上門搵你地，就可以直接解封AC呢?
你話有個別玩家帳號既LOG唔完整，但就係咁岩果幾位玩家有上門搵你地，唔通呢個世界真係有咁多咁岩？

作者: 官方小雲 時間: 2020-4-15 18:22
本帖最後由官方小雲於 2020-4-15 18:34 編輯

abcde12345 發表於 2020-4-15 18:17
係想知點解GC有能力無視原廠既封鎖名單姐?
如果以上玩家係無用外掛，點解你地唔係答玩家沒有使用外掛，而 ...

因為我地知道玩家有用外掛，但係我地無能力鎖囉。
「知」同「有無証據」係兩回事。

你地問玩家係唔係沒有使用外掛。
係人都知佢地有用啦，你係唔係想MING答你「係呀，玩家無用外掛，所以解封」呀，
問題係我地無能力鎖呀麻，咪答你個別情況囉，親！

明知我地有疑難先會解封，唔係就鎖左永久啦。
係要係到挖我地傷疤，你係唔係比人解左帳號重要係到羅彩呀？親！

作者: abcde12345 時間: 2020-4-15 18:25
本帖最後由 abcde12345 於 2020-4-15 18:26 編輯

官方小雲發表於 2020-4-15 18:22
因為我地知道玩家有用外掛，但係我地無能力鎖囉。
「知」同「有無証據」係兩回事。

咁呢條片又點解釋，係無証據定無能力定佢無用外掛
https://www.youtube.com/watch?v=OxUjcEr6SJU&feature=youtu.be條片唔係我拍，咁岩係呢個壇有PO過出黎

作者: 官方小雲 時間: 2020-4-15 18:29

abcde12345 發表於 2020-4-15 18:25
咁呢條片又點解釋，係無証據定無能力定佢無用外掛
https://www.youtube.com/watch?v=OxUjcEr6SJU&feature= ...

你當我地係差人咩？
是旦拎條片出黎就可以捉人？
如果係咁簡單我地就唔洗成日捉唔到人啦。

作者: abcde12345 時間: 2020-4-15 18:32

官方小雲發表於 2020-4-15 18:29
你當我地係差人咩？
是旦拎條片出黎就可以捉人？
如果係咁簡單我地就唔洗成日捉唔到人啦。 ...

一開始又係你地話夜晚可以拍片report，呢家又話是旦拎條片出黎唔得。不如你地日搵一日(最好雙經日)夜晚12點上線捉一捉外掛啦，唔單止天空，森林SER仲多外掛升AW。

作者: 官方小雲 時間: 2020-4-15 18:33

abcde12345 發表於 2020-4-15 18:17
係想知點解GC有能力無視原廠既封鎖名單姐?
如果以上玩家係無用外掛，點解你地唔係答玩家沒有使用外掛，而 ...

成件事掉轉哂。

係開發提供唔到LOG，無視我地情況，解封玩家。

作者: 官方小雲 時間: 2020-4-15 18:37

abcde12345 發表於 2020-4-15 18:32
一開始又係你地話夜晚可以拍片report，呢家又話是旦拎條片出黎唔得。不如你地日搵一日(最好雙經日)夜晚12 ...

你條片比左開發啦，開發話睇唔到有咩問題。
咁可以點？

作者: abcde12345 時間: 2020-4-15 18:39

官方小雲發表於 2020-4-15 18:37
你條片比左開發啦，開發話睇唔到有咩問題。
咁可以點？

咁問埋你地最後一個問題，有冇得一個星期或一個月，搵一兩日時間(最好雙經日夜晚12點)，你地可以上線捉一捉外掛玩家？

作者: 11264080 時間: 2020-4-15 18:40

官方小雲發表於 2020-4-15 18:33
成件事掉轉哂。

係開發提供唔到LOG，無視我地情況，解封玩家。

你不如向原廠反映呢個問題仲好, 好過係度搞封IP封多開
咁依家一句講哂,係咪GC官方無能力去捉自動打怪外掛
原廠亦無能力封?
係既不如叫全ser玩家齊齊玩外掛,掟埋上官網比人down個bot

作者: 11264080 時間: 2020-4-15 18:43

官方小雲發表於 2020-4-15 18:37
你條片比左開發啦，開發話睇唔到有咩問題。
咁可以點？

無啦啦加速行咁快都無問題?
第二條片直情行得快過上騎跑喎
我都體諒下你淨係識睇code,但原廠咁都睇唔出有問題?

作者: 官方小雲 時間: 2020-4-15 18:44
本帖最後由官方小雲於 2020-4-15 18:49 編輯

11264080 發表於 2020-4-15 18:40
你不如向原廠反映呢個問題仲好, 好過係度搞封IP封多開
咁依家一句講哂,係咪GC官方無能力去捉自動打怪外掛 ...

我幾年前開始，已經每個月既report都叫開發加Trap。
係到最近加新SER，開發先肯做野。

唔應該講個句都講埋。
原廠捉唔到外掛，我地咪為有限制外掛數，直到開發肯解決問題囉。

提供外掛？無可能囉。
1. 外掛唔係我地整
2. 個外掛洗唔洗玩家登入帳號，有無偷玩家資料我地又唔會知
3. 個外掛如果突然有日攻擊我地咁點算?

除非個外掛主動搵我地傾，比哂外掛入面既資料我地，或者會考慮下。

作者: 有翼不能飛 時間: 2020-4-15 18:45
小雲可能有小小誤會

作者: 11264080 時間: 2020-4-15 18:46

官方小雲發表於 2020-4-15 18:29
你當我地係差人咩？
是旦拎條片出黎就可以捉人？
如果係咁簡單我地就唔洗成日捉唔到人啦。 ...

我都記得2000fun個陣你地話拍片可以捉人
係咪變左做新夢之歷險,全部野都可以當粉筆字咁抹哂佢

做GM仲要做到你,個玩家有冇玩外掛都睇唔出
不如你地請多個人返黎捉外掛仲好啦,你地知唔知有幾多online game係比外掛玩到執笠
你地請人我可以黎應徵喎

作者: 有翼不能飛 時間: 2020-4-15 18:46
作為一個唔使用外掛既玩家我怕既野係使用外掛都可以理直氣壯解封呢個現象而唔係怕我自己會被封ac 坦白講用得外掛就遇左俾人封

作者: 有翼不能飛 時間: 2020-4-15 18:48
可唔可以透明啲公開啲處理有關管理既問題

作者: 有翼不能飛 時間: 2020-4-15 18:49
目夢我雙眼望到既未來係外掛滿地走後果都沒有。

作者: 11264080 時間: 2020-4-15 18:54

官方小雲發表於 2020-4-15 18:44
我幾年前開始，已經每個月既report都叫開發加Trap。
係到最近加新SER，開發先肯做野。

嘩, 如果成功, 係咪即係可以令夢之變成內掛game
會唔會同原廠傾下

作者: 官方小雲 時間: 2020-4-15 18:54

有翼不能飛發表於 2020-4-15 18:46
作為一個唔使用外掛既玩家我怕既野係使用外掛都可以理直氣壯解封呢個現象而唔係怕我自己會被封ac 坦白講 ...

本來比人解封既人係唔可以理直氣壯，
但係因為依家D個POST，
個玩家知道我地因為無LOG係手所以解封左佢。
佢依家咪可以理直氣壯去講囉。
開心未？

作者: abcde12345 時間: 2020-4-15 18:59
本帖最後由 abcde12345 於 2020-4-15 19:05 編輯

官方小雲發表於 2020-4-15 18:54
本來比人解封既人係唔可以理直氣壯，
但係因為依家D個POST，
個玩家知道我地因為無LOG係手所以解封左佢。 ...

成件事掉轉哂。

係你地一開始唔公佈封鎖名單加唔解釋情況，再加上佢地有上門搵你地，佢地解鎖後先理直氣壯去講。如果佢地無理直氣壯咁去講，其他人又點會知呢件事呢，又點會有呢個POST呢?

我問果時已經係3月28號，唔係今日先問，如果你地有解釋到，就唔洗咁多其他玩家係到估估下，係呢度問埋啦。

作者: 11264080 時間: 2020-4-15 19:04

官方小雲發表於 2020-4-15 18:54
本來比人解封既人係唔可以理直氣壯，
但係因為依家D個POST，
個玩家知道我地因為無LOG係手所以解封左佢。 ...

你知唔知佢地解左封之後,話約你地去觀塘食飯
講到好似識GM所以先解封咁
我本身知佢地低低地咁,所以緊係唔信

但其他玩家就未必
如果你地可以透明啲咁同各位玩家講,都可以幫大家釋疑

同埋之後既LOG紀錄正常返的話,係咪唔會再有封完又解既事件發生?
如果係,你地以後會點捉外掛?
片你地就唔受,但亦唔見你地成日上黎捉外掛
我是但行幾個地圖都見到組哂隊,唔拎寵同係度一隻隻咁打怪既人

作者: 官方小雲 時間: 2020-4-15 19:09

11264080 發表於 2020-4-15 19:04
你知唔知佢地解左封之後,話約你地去觀塘食飯
講到好似識GM所以先解封咁
我本身知佢地低低地咁,所以緊係唔 ...

某幾個外掛依家用，係100%會捉到。

作者: 有翼不能飛 時間: 2020-4-15 19:20

abcde12345 發表於 2020-4-15 18:59
成件事掉轉哂。

係你地一開始唔公佈封鎖名單加唔解釋情況，再加上佢地有上門搵你地，佢地解鎖後先理直氣 ...

唔該師兄幫我講左我想講既野處理得唔好結果怪翻玩家揭穿左個真相我真係唯有深感悔疚夢之歷險搞到今時今日咁都應該係我造成眾人皆醒我獨醉...haha

作者: 官方小雲 時間: 2020-4-15 19:25

abcde12345 發表於 2020-4-15 18:59
成件事掉轉哂。

係你地一開始唔公佈封鎖名單加唔解釋情況，再加上佢地有上門搵你地，佢地解鎖後先理直氣 ...

1. 我地唔知你係咪比人解封左，走黎羅彩。
2. 迫我地承認玩家沒有使用外掛，之後CAP圖SHOW OFF

如果你唔係比人鎖個個，咁真係好多謝你，
你成功迫我地承認無LOG去証明個幾個帳號有用外掛。

作者: 官方小雲 時間: 2020-4-15 19:29
本帖最後由官方小雲於 2020-4-15 19:34 編輯

有翼不能飛發表於 2020-4-15 19:20
唔該師兄幫我講左我想講既野處理得唔好結果怪翻玩家揭穿左個真相我真係唯有深感悔疚夢之歷險搞到今時 ...

由頭到尾都講我地無權限，
唔明點解你會掉轉頭黎諗，覺得我地唔理開發，強制解封玩家…
完全錯哂囉好冇。

我講既野你就唔信，
個玩家同你講同ＧＭ食飯就信到十足。
你地幾個唔信就唔會係到講啦…
真係完全中哂個玩家既圈套。

作者: 11264080 時間: 2020-4-15 19:53

官方小雲發表於 2020-4-15 19:29
由頭到尾都講我地無權限，
唔明點解你會掉轉頭黎諗，覺得我地唔理開發，強制解封玩家…
完全錯哂囉好冇。

由頭到尾都講我地無權限，
唔明點解你會掉轉頭黎諗，覺得我地唔理開發，強制解封玩家…
其實你地開個公告同大家講,因為個無LOG無證據捉人,所以封唔到咪得
你地係有責任同大家講到底發生左咩事, 全天空都知個日佢地比人封左,而且幾日後解封
講真,無呢個post我都唔知你地封唔到mojo個班人既原因
我仲以為自動打怪變左淨係封3日

定你地只係唔想比人知你地有失誤,封唔到外掛先唔講?但你咁做既反效果反而超大
依家你講返出黎咪幾好,班外掛狗又可以即刻[禁字]

所有事情,只要你出個公告解釋就可以解決

作者: abcde12345 時間: 2020-4-15 19:58
我喺咪比人解封果嗰真係咁重要咩？呢家嗰問題喺你哋官方處理手法有問題，好似多開問題咁，你哋係有公告或小雲喺論壇度解釋被封原因及解封指引。而自動打怪你有講原廠落trap封左一堆玩家，但之後解封就無公告講，問咗咁耐都喺話個別情況，唔方便回答。而解封嘅人就大大聲用全頻或白頻講自己點樣令GC解封，而你地一直都無回應，呢家怪番我地唔信你地？你一早願意講咪無呢個POST囉。

作者: 官方小雲 時間: 2020-4-15 19:58
本帖最後由官方小雲於 2020-4-15 20:01 編輯

11264080 發表於 2020-4-15 19:53
由頭到尾都講我地無權限，
唔明點解你會掉轉頭黎諗，覺得我地唔理開發，強制解封玩家…
其實你地開個公告 ...

日日鎖幾十個帳號。
你想點逐個解釋？
唔好玩我啦。
你要開發逐個講都無可能啦。
開發比我地既資料靜係我帳號。
好似今日鎖個l帳號係類似咁既，我公佈出黎有咩意義?
a123456
a234567
a345678

重係唔同伺服器都有人物。

作者: abcde12345 時間: 2020-4-15 20:00
唔好話解釋，好似跑Online咁整番嗰封鎖名單有冇得諗先？

作者: 11264080 時間: 2020-4-15 20:02
本帖最後由 11264080 於 2020-4-15 20:13 編輯

官方小雲發表於 2020-4-15 19:58
日日鎖幾十個帳號。
你想點逐個解釋？
唔好玩我啦。

跑online每隔一排就出個封AC名單,有時長到我都廢事睇...
然後係頂度寫佢做錯啲咩,封幾耐等等...好難咩
加上今次仲要係"個別情況",咁更加要講啦價就識得加,叫你開word整個list出黎比我地睇都咁難?

作者: 11264080 時間: 2020-4-15 20:07

官方小雲發表於 2020-4-15 19:58
日日鎖幾十個帳號。
你想點逐個解釋？
唔好玩我啦。

公告show出嚟個名,用佢犯事用個帳號名
呢方面就要你同原廠溝通下,叫佢交埋個帳號名比你
第一會有阻嚇性,仲可以幫你以後封少啲人
第二會比玩家知你真係有封到人
例如用bot打小遊戲,自動打怪,咁大家咪放心玩

作者: SeaTheStar 時間: 2020-4-15 20:23
US/UK服歡迎大家

作者: 有翼不能飛 時間: 2020-4-15 20:24
我唔係想攞彩都唔係想挑戰你小雲只係我覺得可以更加透明咁處理有關既事好似依家咁你終於出黎話係因為咩咩log所以逼住要解封我聽完起碼條氣順d 點聽都好過咩嘢都原廠原廠又或者係個別個別....

作者: 有翼不能飛 時間: 2020-4-15 20:25
但如果今日我唔企出黎係咪就所有野都得過且過？

作者: SeaTheStar 時間: 2020-4-15 20:26

有翼不能飛發表於 2020-4-15 20:24
我唔係想攞彩都唔係想挑戰你小雲只係我覺得可以更加透明咁處理有關既事好似依家咁你終於出黎話係因為咩 ...

jar架你, Diu咪diu囉

作者: 有翼不能飛 時間: 2020-4-15 20:27
我覺得件事唔應該係咁我作為玩家只想去協助隻遊戲運行得更好無外掛係我畢生既致願而點樣做到更好應該係你去諗既問題

作者: 有翼不能飛 時間: 2020-4-15 20:30
至於有關咩咩消委會咩咩上門我當無聽過囉... 既然小雲都為我解左迷惑

作者: SeaTheStar 時間: 2020-4-15 20:31

有翼不能飛發表於 2020-4-15 20:27
我覺得件事唔應該係咁我作為玩家只想去協助隻遊戲運行得更好無外掛係我畢生既致願而點樣做到更好應該 ...

作為玩家你只需要負責玩同課金就足夠, " 去協助隻遊戲運行得更好 " 無錢收你千祈唔好做

作者: 月餅晴 時間: 2020-4-15 22:18
我地18j無用外掛,要求GC公開封鎖名單,還我地清白!!!!!!!!!!!!!!

作者: ab1313332 時間: 2020-4-15 22:36

官方小雲發表於 2020-4-15 19:25
1. 我地唔知你係咪比人解封左，走黎羅彩。
2. 迫我地承認玩家沒有使用外掛，之後CAP圖SHOW OFF

唔洗攞彩呀而家大把人嘈你改左舊8人冇得加技入場同改晒d活動團卡王回應未?
聽左森s幾個傻仔講野就乜都話交俾開發改冇野呀話?

作者: 官方小雲 時間: 2020-4-16 02:44
本帖最後由官方小雲於 2020-4-16 02:59 編輯

ab1313332 發表於 2020-4-15 22:36
唔洗攞彩呀而家大把人嘈你改左舊8人冇得加技入場同改晒d活動團卡王回應未?
聽左森s幾個傻仔講野就乜都 ...

其實…開發修正左，我應該回應你D咩…?
舊8人冇得加技入場 > 係呀
改晒d活動團卡王> 係呀

又話改完難打左，但又一路都無人肯拍片…
上次雞團都有人肯拍片呀，一交條片比開發，開發就好快手改左。

我知我無玩過隻GAME，所以呢?
我一直都話我唔係GM，我只係官方人員負責做翻譯同聯絡，

我就不嬲都好貼地既，玩家比D咩，我就翻譯D咩比開發，
玩家話雙經唔好開太長，我就照翻譯。
玩家話跌錢太多，我又照翻譯。
玩家話卡王有問題，我又照翻譯。
至於點樣改，決定權都係哂開發到。
無片比我交比開發，就算我同開發講太難打，開發都只係會覆返我OK..
玩家商城太貴，D樣我就幫你唔到= =
其實我反而諗唔明外國賣咁平點解可以重撐到…

同埋唔係得森SER一兩個玩家囉好冇…
係我親自入GAME，個個都走埋黎講D人15開刷錢，
跟往又比開發發現有幾個原本係天SER既人，走左去森林15開卡王刷錢，
所以先攪到咁大件事。
其實如果唔係有個四個玩家咁樣做，天SER既玩家繼續係天SER刷，
森林玩家繼續係森林正常打，根本唔會有D件事。

我夠知天SER過去咁多年一直都係咁多錢啦。

不嬲幫到既我都盡量幫架啦，
好似依家玩家又話賺錢太難，我又要掉返轉頭諗下點樣幫輕玩家…
之前有錢打又話太多錢，改完又話太少錢…
你估係咁叫開發改，開發就肯改既咩…佢地真係彩我都有味…
減完錢又話加返。

依家為有諗下有無其他方法幫輕玩家。

作者: 小雲BBG 時間: 2020-4-16 02:54
本帖最後由小雲BBG 於 2020-4-16 02:58 編輯

官方小雲發表於 2020-4-16 02:44
其實…開發修正左，我應該回應你D咩…?
舊8人冇得加技入場 > 係呀
改晒d活動團卡王> 係呀

你有冇諗過係你意見正係聽一半一聽到森林玩家話想改就即刻走埋去開發到講果晚我都係森s啊一班玩家圍住你係1村講就即刻第2日封左團再封埋卡王有冇考慮過其他3個server? 有冇問過其他3個server既玩家既意見? 你當佢地唔係玩家? 一味正係話自己好貼地我又唔覺得你有幾貼地
玩家話雙經唔好開太長，我就照翻譯。
玩家話跌錢太多，我又照翻譯。
玩家話卡王有問題，我又照翻譯。

以上3樣野有冇諗過有好多玩家都唔想改? 10幾年文化比你一下改走哂
''好似依家玩家又話賺錢太難，我又要掉返轉頭諗下點樣幫輕玩家…
之前有錢打又話太多錢，改完又話太少錢…
你估係咁叫開發改，開發就肯改既咩…佢地真係彩我都有味…''
至於呢句係因為你單方面聽左森林之夢既人講完就即刻改其他3個server既玩家緊係出黎嘈話要加錢啦就係因為你炸小雲仲講到其他3個server既人有問題咁話咩又要加錢又要扣錢

作者: 官方小雲 時間: 2020-4-16 02:59
本帖最後由官方小雲於 2020-4-16 03:13 編輯

小雲BBG 發表於 2020-4-16 02:54
你有冇諗過係你意見正係聽一半一聽到森林玩家話想改就即刻走埋去開發到講果晚我都係森s啊一班玩家圍住 ...

開發發現有幾個原本係天SER既人，走左去森林15開卡王刷錢，
所以先攪到咁大件事。
其實如果唔係有個四個玩家咁樣做，天SER既玩家繼續係天SER刷，
森林玩家繼續係森林正常打，根本唔會有D件事。

開發第一次改既時候有無改錢呀?
有無改卡王呀?
開發只係改多左血，
但係個班人都係繼續卡王15開刷錢，
咁你覺得我重有能力去阻止開發改咩?

個日我都已經明示講左，
開發既意願係改到得返10分1錢，
好明顯我地成功反對阻止左開發咁做，
但係更新完，就已經有幾十個帳號衝去刷。
你真係覺得我地主張既自律可以說服到開發?

本身我地就無乜牙力，
重要係開發面前，睇往幾十個帳號衝去刷。
都講到明只係開最後一個分流，等開發觀察。
我已經唔係暗示，係明示會有人觀察，
但係都無人理，你想我點?

如果第一次開發改高難度之後，
無個四玩15開玩家攪事，
之後根本就唔會再改。

忍個一兩個鐘唔好15開去刷真係咁難?
佢地忍多陣，韓國都8點收工返屋企食飯啦。

作者: 小雲BBG 時間: 2020-4-16 04:18

官方小雲發表於 2020-4-16 02:59
開發發現有幾個原本係天SER既人，走左去森林15開卡王刷錢，
所以先攪到咁大件事。
其實如果唔係有個四個玩 ...

你講野有BUG既觀察果日已經話最盡係6開你公告都寫到明係只可以6開咁玩家點樣繼續卡王15開刷錢? 佢15開刷錢點解你唔BAN左佢? 已經違左規

作者: 11264080 時間: 2020-4-16 05:46

官方小雲發表於 2020-4-16 02:59
開發發現有幾個原本係天SER既人，走左去森林15開卡王刷錢，
所以先攪到咁大件事。
其實如果唔係有個四個玩 ...

其實本身個活動團已經難打到嘔屎
咁多年以來都無人投訴話難打既原因,就係因為有得卡王
你都知香港人時間一向好值錢,邊鬼個得閒同你用10幾分鐘打個團
再同同團個15個人一齊搶廿幾舊5萬蚊GAME錢?
我執到舊5萬,舊錢都唔夠我買返打團用左個堆寵同守返黎

即係全SER既錢,基本上啲錢係無加過...打和SUPER!(仲要倒扣)
想知原廠係唔中意啲人多開打,定唔中意卡王呢個行為(或者兩樣都係?)
如果係前者,就已經封左多開
但如果係後者,可唔可以叫佢地將跌既錢加多

小雲你可以自己試下用正常打法打一次,睇下一場要用幾多寵同守
例如九尾,新出個陣我都有用正常打法打過,堆寵同係咁比隻王秒
打我一下又扣勁多血,依家個個條血都起碼二萬起跳,堆活動食物又唔夠回
最後打贏淨係得舊5萬(可能搶都搶唔到)同出垃圾既箱比我
用咁多寵同守去打,蝕錢仲多過賺錢啦
你可唔可以幫手計下,用正常打法要跌幾多錢一舊,先可以令玩家回到寵同守錢既本?最好仲要有錢入袋
講真,咁多個活動團入面,得虎王算係比較正常...

作者: puzzledragon122 時間: 2020-4-16 06:12

官方小雲發表於 2020-4-16 02:59
開發發現有幾個原本係天SER既人，走左去森林15開卡王刷錢，
所以先攪到咁大件事。
其實如果唔係有個四個玩 ...

咁想問下點解個D多開既玩家有課金就可以解封?

現家個講法就好似係其實15開刷錢冇問題咁? 就係因為佢地既存在先搞到咁多人不滿, 而佢地係咁整亂曬森ser個物價,賺左一大筆錢, 點解仲要解封佢地? 唔永久ban左去? 仲要其實佢地都係出左名既外掛狗黎, 點解有課金就有得解封?

另外其實除左課金/拍賣活動同埋活動團,可唔可以出多d活動? 怪物襲村,gm陪打呢d幾時先會有番? 以前明明成日都有活動,現家d活動剩係逼玩家課金
ps:下次419求加n帽

作者: bgor 時間: 2020-4-16 06:22

官方小雲發表於 2020-4-16 02:59
開發發現有幾個原本係天SER既人，走左去森林15開卡王刷錢，
所以先攪到咁大件事。
其實如果唔係有個四個玩 ...

不如暗示下個幾隻貪心的小狗天ser 叫咩名囉
咩公會囉
等玩家們幫你出下氣

知你地好多野都要睇開發頭
但係都希望你地再搵下d 方法搞下外掛嚇又好咩都好
因為其實真係仲有好多外掛
一堆用掛既人一副你吹我唔帳既樣
你估玩家好受...?
佢地就夜晚開黎掛機升lv
正常玩家就放工幾攰都打幾粒鍾公平咩？
你地咁撚醒應該會搵到方法？

另外想問下幾時先出返天使先鋒同地獄犬比玩家拎之後活動有過一次有人有但絕左版
另外呢排好多人都課金買金福沖裝會否有優惠/活動易抽d 多d 貨流通市面？

作者: a899456 時間: 2020-4-16 10:11

官方小雲發表於 2020-4-16 02:59
開發發現有幾個原本係天SER既人，走左去森林15開卡王刷錢，
所以先攪到咁大件事。
其實如果唔係有個四個玩 ...

你依家咩意思？
你意思係你身為GM你同意係新ser 15開刷錢？

從你呢個回覆既內容，我其實覺得應該換一換人
官方人員都想為啲外掛仔好，叫佢地避一避原廠既監測

喂，睇到隻game既管理，我深感遺憾

作者: 官方小雲 時間: 2020-4-16 10:51

a899456 發表於 2020-4-16 10:11
你依家咩意思？
你意思係你身為GM你同意係新ser 15開刷錢？

唔好係到歪曲我既意思。
原廠原本只係改高難度，無改卡王。
但係香港玩家連少少自律都無，繼續卡王刷錢。
唔好話成個活動唔刷錢，就連開發監測緊個一兩個鐘都忍唔到。

我個日重好自豪咁出公告，
話香港營運幫大家爭取到「掉錢量為英文版原有設定的10倍」既掉錢
轉個頭就比玩家一手破壞。

作者: 官方小雲 時間: 2020-4-16 11:02
本帖最後由官方小雲於 2020-4-16 11:22 編輯

11264080 發表於 2020-4-16 05:46
其實本身個活動團已經難打到嘔屎
咁多年以來都無人投訴話難打既原因,就係因為有得卡王
你都知香港人時間 ...

我一直都講話「夢歷既遠征團」難打到嘔。
我都覺得整GAME出黎係為左比玩家玩，而唔係為難玩家。
我好認同呀。

問題係開發見到玩家卡王重要15開刷錢，
所以覺得我地既營運唔合理，一定要改低我地既掉錢，同埋唔比卡王。

點解好似依家變左係我刻意改難唔比大家玩咁?

成件事，好明顯就係攬炒成功。怪我囉？
大家唔好覺得我地係同玩家作對，我地做既任何野都係幫玩家爭取。

依家開發改左少錢，就唔會改返轉頭。
依家我唯一可以做既就係諗方法，避開開發既設定，
搵個唔洗開發幫手套更新都可以增加玩家入手金錢量既手段。

我只係希望，如果成事，玩家唔好再攪炒，又走去投訴香港賺錢易過英文版。

大家唔好以為走去英文版投訴，話香港賺錢易過英文版，就可以令英文版加錢…
咁樣做，只係會令到開發改低香港掉錢，

作者: babimint 時間: 2020-4-16 11:27

官方小雲發表於 2020-4-16 11:02
我一直都講話「夢歷既遠征團」難打到嘔。
我都覺得整GAME出黎係為左比玩家玩，而唔係為難玩家。
我好認同 ...

咁天S個4個玩家有無比人封到..
佢搞到成個夢之咁

作者: Philosophy 時間: 2020-4-16 11:30
本帖最後由 Philosophy 於 2020-4-16 11:34 編輯

官方小雲發表於 2020-4-16 02:44
其實…開發修正左，我應該回應你D咩…?
舊8人冇得加技入場 > 係呀
改晒d活動團卡王> 係呀

文科出身係唔會理解社會科學知識

插左你一個月民粹主義你都無去反省過
你仲好講「不嬲玩家要乜就幫乜」出黎?

玩家要壓制物價，你聽佢講

玩家要出乜出物，無個別化看待不同SERVER進度差異，照為左新SER去就活動

森林玩家要封兔團，唔想一場即戰買唔到1粒防爆，你搭單全收

森林玩家話外掛，要封外掛，你建議去封兔

你完全唔覺得自己有問題呢下先好笑，開發點決定你控制唔到岩唔需要爭議

但係自己諗下你自己到底聽幾多森林玩家講野，個思考點傾斜咗去邊幾個森林玩家到

我想講親你娘，你做錯一次決定，依家玩家又話要求要錢團，咁你係咪照做先

作者: a899456 時間: 2020-4-16 12:52

官方小雲發表於 2020-4-16 11:02
我一直都講話「夢歷既遠征團」難打到嘔。
我都覺得整GAME出黎係為左比玩家玩，而唔係為難玩家。
我好認同 ...

支持原廠減錢做法
如果快速賺GAME錢=好既話，點解你一入森S D人就叫你封兔團？
要收取意見入GAME最快，唔洗聽呢個論壇D人係到圍威喂

GAME錢賺得越快，隻GAME越快死

作者: 數字人 時間: 2020-4-16 12:56

a899456 發表於 2020-4-16 12:52
支持原廠減錢做法
如果快速賺GAME錢=好既話，點解你一入森S D人就叫你封兔團？
要收取意見入GAME最快，唔 ...

唔夠人講做左少數派就話人圍威喂

作者: ab1313332 時間: 2020-4-16 13:44

官方小雲發表於 2020-4-16 02:44
其實…開發修正左，我應該回應你D咩…?
舊8人冇得加技入場 > 係呀
改晒d活動團卡王> 係呀

回應d咩? 你有冇同開發講番天海冒唔好改俾以前咁樣我地? 有冇同開發講森S搞特別版咪算? 而家天海冒陪埋森S受罪係咩玩法?

作者: puzzledragon122 時間: 2020-4-16 15:14
咁想問下點解個D多開既玩家有課金就可以解封?

咁想問下點解個D多開既玩家有課金就可以解封?

咁想問下點解個D多開既玩家有課金就可以解封?

作者: 是但啦屌 時間: 2020-4-16 17:23
樓主仲想帶風向,
擺到明就係改左卡王無人打團,上黎都無意思,玩黎把撚咩..
因為咁所以先少人玩,好嗎?

作者: saymore 時間: 2020-4-16 17:47
都係個句啦, 唔係樣樣野玩家一匯報你就要即刻同開發講咖, 你唔識諗下個樣野究竟值唔值得做? 人講乜你同開發講番乜, 甘係人都可以做gm啦你見依家個要求好簡單, 就係絕大部分人都想要番卡王, 完。

歡迎光臨青怡攻略：討論版 (https://bbs.yeeapps.com/)